Kryemadhi jep zgjidhjen për pagat e naftëtarëve të Ballshit: Taksën e naftës t'ua japë grevistëve
Kryetarja e LSI, Monika Kryemadhi gjatë një takimi me banorët e qytetit të Fierit ka prekur temën e taksës së naftëve për vendin tonë.

Kryemadhi i ka kërkuar qeverisë që për 3 ditë të mos e mbledhë taksën, por t’ua japë grevistëve si mundësi për shlyerjen e rrogave të prapambetura.

“Do t’i kërkoja qeverisë që me këtë çmim të lartë takes që ka nafta, më shumë se Maqedonia në lëkë për litër, do t’i kërkoja që për 3 ditë të mos i merrte taksat e naftës, por t’ua jepte naftëtarëve të Ballshit. Vetëm në ditë qeveria fiton 3 milion euro nga nafta që shqiptarët konsumojnë në punët e tyre dhe jetën e përditshme.

3 ditë t’ja uli çmimin naftës për fermerët, për shqiptarët që përdorin mjete automobilistike dhe të mendojë 3 ditë për naftëtarët e Ballshit që janë prej ditësh në grevën e urisë”, është shprehur Kryemadhi.

Sakaq kryetarja e LSI u ka bërë thirrje të gjithë qytetarëve që të jenë të lirë në zgjedhjet e 25 prillit për të votuar këdo forcë politike që i përfaqëson ata.
Shtuar më 28/10/2020, ora 17:42

Shkruani komentin tuaj!
Të fundit nga kjo kategori