Kryemadhi bën deklaratën e habitshme: Mos e ka kaluar pikun e koronavirusit Shqipëria në janar?
Kryetarja e LSI-së Monika Kryemadhi ngriti një pyetje e cila pritet të shkaktojë reagime të shumta.

“Mos e ka kaluar pikun e koronavirusit Shqipëriajanar? Sa veta kanë vdekur nga gripi e temperatura në janar?”- deklaroi Kryemadhi ndonëse nuk dha informacion të mëtejshëm lidhur me këtë çështje.

“Ne si LSI kemi ngritur një grup sa i përket çështjes së shëndetësisë që ndjekin këtë situatë të pandemisë.

Shqiptarëve u duhet dhënë shpresa që menjëherë të fillojë lëvizja e ekonomisë. Qeveria merr një vendim, fton oligarkët që të blejë sa më shumë ushqime dhe qeveria do t’ia marrë me çmim tregu nëse nuk u shiten dhe nuk ndihmon familjet, situatën ekonomike të familjeve.

Pavarësisht se qeveria bën sikur i prehet barku për situatën ku ndodhet vendi, gabimisht po ia shkurton këmbët vetes së saj. Paratë që harxhohen për oligarkët do të ishte mirë të përdoreshin për qytetarët.

Më mirë të lash e të gatuash, se sa të shohësh këto skeçe që janë të shëmtuara që krijojnë vetëm neveri.

Mos e ka kaluar pikun e koronavirusit Shqipëriajanar?

Sa veta kanë vdekur nga gripi e temperatura në janar?

Për Krishtlindje të gjitha produktet nga Kina kanë ardhur. Duhet të ulemi me këmbë në tokë të gjithë. Edhe dy javë mund ta mbajnë karantinën shqiptarët”, vijoi ajo.
Shtuar më 04/04/2020, ora 20:23

Shkruani komentin tuaj!
Të fundit nga kjo kategori