Krizë në Tiranë, uji i ndotur bën për spital 300 persona në ditë
Brenda 24 orëve, urgjenca e infektivit në QSUT është përballur me një fluks të pazakonte pacientësh.

Mesatarisht 300 paciente janë paraqitur në këtë urgjencë duke kërkuar ndihmë për shkak të të vjellave, dobësisë trupore, diarresë dhe humbjes së ekuilibrit.

Dyshohet se shkak për këtë situatë të pazakontë te jetë mungesa e ujit në Tiranë si edhe prania e ndotësve në atë pjesë të qytetit ku ka ujë, raporton Albeu.com.

Për shkak të mungesës së ujit të pijshëm nga çezmat, qytetatarët detyrohen të plotësojnë nevojat e tyre në forma të tjera.

Ndërkohë, mjekët e kanë ende të paqartë shkakun duke marrë monstra nga pacientët si edhe janë marrë kampionë nga uji në Tiranë për të konfirmuar nëse ky është burimi i problemit.

Tashmë pritet përgjigja e Institutit të Shëndetit Publik për të përcaktuar se çfarë e shkakton këtë virozë dhe si po përhapet. Simptomat e rasteve të paraqitura në urgjencë, janë të njëjtat: temperaturë e lartë, të vjella, humbje ekuilibri dhe dhimbje koke.

Tirana është prej disa javësh në krizë të furnizimit me ujë të pijshëm edhe pse qytetarët e saj e paguajnë sot me shtrenjtë një meter kub.

Rritja e çmimit u bë me argumentin se do të përmirësohej shërbimi, megjithatë asgjë nuk ka ndryshuar, madje siç raporton edhe ERRU në raportin e tij, qytetarët e Tiranë tani furnizohen më pak me ujë krahasuar me një vit më parë.

Kujtojmë se një javë më parë, mjekë të shërbimit të infektivit, bën deklaratë për fluksin e shtuar si dhe u bënë thirrje qytetarëve që fillimisht të drejtohen tek mjeku i familjes dhe jo direkt në urgjencë, kjo për ti dhënë mundësi pacientëve që kanë vërtët nevojë për ndihmë të specializuar.
Shtuar më 09/09/2019, ora 17:33
Shkruani komentin tuaj!
Të fundit nga kjo kategori