Menjëherë pas denoncimit të emisionit “Fiks Fare”, pas favoreve seksuale që i kërkohej një të mituri për ti dhënë statusin e jetimit, menjëhërë është prononcuar edhe kreu i Shoqatës Kombëtare të Jetimëve.

Ky i fundit ka pranuar se ka denoncuar tre herë Maksim Liçon. Kreu i Shoqatës Kombëtare të Jetimëve, Kadri Alia, ka reaguar në lidhje me denoncimin e kësaj ngjarje.

Ai pretendon se e ka denoncuar disa herë në polici Maksim Liçon, të cilin e kishte larguar vite më parë nga Shoqata Kombëtare e Jetimëve, ku kishte mbajtur detyrën e sekretarit të përgjithshëm në vitet 1991-2001.

“Maksim Liçon e largova nga Shoqata e Jetimëve, krijoi shoqatën me njerëz të tjerë.

I denoncova shoqatat “fantazmë” si ajo e Liços, 3 herë e kam denoncuar në polici.

Maksim Liço mashtronte me vizat greke. Statusi i jetimit jepet vetëm nga Komisioni i SHSSH”, është shprehur Kadri Alia. /albeu.com/