Lojtarët dhe stafi i Manchester City-t kanë qëndruar rreth një orë pas ndeshjes me Tottenham në dhomat e zhveshjes.
Humbja ndaj “spurs” duket se ka ‘trullosur” kampin e “citizens” dhe sidomos trajnerin Pep Guardiola i cili ka pasur shumë për të thënë.
“Po flisja me stafin tim, gruan, dhe disa prej lojtarëve” ka thënë Guardiola, i pyetur për vonesën e lojtarëve në dhomat e zhveshjes.
“Sa krenar jam për ta, por nuk është e mjaftueshme. Dua të shoh lojtarët e mi të luajnë në atë mënyrë” tha Pep, kur u pyet se çfarë bisedoi me lojtarët.
Përveç humbjes, Guardiola duhet të mendojë edhe për mungesën e Zinchenko, i cili u ndëshkua me kartonin e kuq gjatë kësaj ndeshje.