KQZ miraton tabelën përmbledhëse të KZAZ 49
Komisioni Qëndror i Zgjedhjeve, ka miratuar tabelën përmbledhëse të rezultateve për KZAZ 49, konkretisht njësia numër 5. Miratimi i tabelës së KZAZ 49 i hap rrugën miratimit të tabelës përmbledhëse të rezultateve për kreun e Bashkisë së Tiranës e cila do të dalë nga shumatorja e 11 njësive të kryeqytetit.

Tashmë kandidati i majte për Bashkine Tiranë Edi Rama ka marrë 19 154 vota dhe kandidati i djathtë Lulzim Basha ka marrë 14 491 vota, ndërsa kandidati Hysni Milloshi ka marrë 149 vota.

Votimi edhe kësaj here u bë me katër vota pro dhe tre vota kundër.

Pas pak pritet edhe miratimi i tabelës përmbledhëse, sipas së cilës Basha është me 81 vota para Ramës.

Opozita pritet ta apelojë vendimin e KQZ-së për Tiranën në Kolegjin Zgjedhor.
Shtuar më 23/05/2011, ora 22:06

Shkruani komentin tuaj!
Të fundit nga kjo kategori