KQZ-ja ka shpallur rezultatet e para preliminare për zgjedhjet e 17 nëntorit
Albeu.com
Komisioni Qendror i Zgjedhjeve ka shpallur mbrëmë rezultatet preliminare, sipas të cilave, për zgjedhjet e përgjithshme PDK-ja prinë me 34 % të votave.KQZ-ja ka publikuar edhe rezultatet për 24 komuna, për asambletë dhe për kryetarët e komunave. Rezultatet përfundimtare pritet të publikohen për 10 ditë, ndërsa raundi i ri i zgjedhjeve për kryetarë të komunave do të zhvillohet më 8 dhjetor dhe KQZ tha se tashmë janë bërë të gjitha përgatitjet teknike.
Komisioni qendror i zgjedhjeve ka shpallur mbrëmjen e së hënës rezultatet e para preliminare, sipas të cilave, për zgjedhjet e përgjithshme PDK-ja prinë me 34 për qind të votave. KQZ-ja ka publikuar edhe rezultatet për 24 komuna, si për asambletë, ashtu dhe për kryetarët e komunave.

Në Prishtinë prinë LDK-ja me 26.1 për qind dhe kandidati i saj Isa Mustafa për kryetar të Prishtinës me 37 për qind. Në këto rezultate nuk janë përfshirë votat me kusht dhe votat me postë. Rezultatet përfundimtare pritet të publikohen për 10 ditë, ndërsa rundi i ri zgjedhjeve për kryetarë të komunave do të mbahet më 8 dhjetor.

Komisioni Qendror Zgjedhor i publikoi rezultatet preliminare për zgjedhjet e përgjithshme dhe për 24 komuna dhe rezultatet për kryetarët e komunave. Sipas KQZ-së, PDK-ja prinë me 34 për qind të votave, LDK-ja ka fituar 21.8 për qind, AKR-ja 12.1 për qind, LDD-ja 10.4 për qind, AAK-ja me 9.9 për qind dhe ORA 4.2 për qind. Ndërsa partitë tjera që kanë marrë pjesë në zgjedhjet e së shtunës, kanë fituar 7.3 për qind të votave.

Sipas këtyre rezultateve PDK ka fituar edhe në shumicën e komunave të Kosovës, në 16 prej tyre.

Ndërsa në Prishtinë, LDK prinë me 26.1 për qind, AKR-ja më 23. 4 për qind PDK-ja më 22. 7 për qind, ORA më 9.8 për qind, LDD më 6.1 për qind, AAK-ja me 5.5 për qind, dhe të tjerët më 6.4 për qind. LDK-ja në Prishtinë prinë edhe me kandidatin e saj për kryetar të komunës, Isa Mustafën me 37 për qind. Ndërsa Fatmir Limaj i PDK-së ka fituar 24.6 për qind, Ibrahim Makolli i AKR-së 17.9 , Genc Meraku i AAK-së, 6 %, Shefki Gashi i LDD 5.5 % Ylber Hysa i ORA-s me 5.1 % dhe të tjerët me 4 %.

Rundi i ri për zgjedhjet për kryetarë të komunave do të zhvillohet më 8 dhjetor dhe KQZ tha se tashmë janë bërë të gjitha përgatitjet teknike.

Kryesuesi i komisionit zgjedhor, shefi i OSBE-së Tim Guldiman, tha se deri tash janë numëruar prej 80 deri 90 për qind të vendvotimeve.
Në këto rezultate nuk janë përfshirë votat me kusht dhe votat me postë.
Kryeshefi i KQZ-së, Mazllum Baraliu tha se rezultatet përfundimtare pritet të publikohen për 10 ditë.

“Rezultate prite të jenë gati pas një pune në mbarim të këtij muajit diku rreth 1 dhjetorit, ndërsa certifikimi i tyre do të ndodhë rreth 4 dhjetorit”, ka thënë Baraliu.

Fletëvotimet me kusht dhe ato përmes postës pritet të jenë në numër më të madh në krahasim me zgjedhjet e vitit 2004, megjithatë ato nuk pritet të ndryshojnë shumë rezultatet e publikuara

Pjesëmarrja e qytetarëve në votime konsiderohet të ketë qenë në mes të 40 dhe 45 për qind. Sa i përket pragut zgjedhor, prej 5 për qind, kryeshefi i KQZ-së, Mazllum Baraliu tha se ai nuk vlen për pakicat. Pakicat do të zënë vendin në Kuvendin e Kosovës, sipas nj rregullore për zgjedhjet e vitit 2004. /rtk/
Shtuar më 20/11/2007, ora 17:37
Tage: arkiv
Shkruani komentin tuaj!
Të fundit nga kjo kategori