Kosovaret me te lumturit ne Evropen Juglindore
Albeu.com
Në një anketë të realizuar nga Gallup World Poll, shqiptarët e Kosovës janë qytetarët më të lumtur në Evropën Juglindore. Në hulumtimin e realizuar në 155 vendeve të botës, njerëzit më të lumtur në botë janë në Danimarkë, ndërsa ata më fatkeq janë në shtetin afrikan Togo.
Shqipëria në këtë hulumtim gjendet në vendin e 103, duke reflektuar se njerëzit atje nuk janë në shkallën e duhur të lumturisë, ndërsa Kosova gjendet në vendin e 54, duke qenë një ndër vendet me popullsi më të lumtur në Ballkan.

Pas Kosovës vjen Sllovenia e cila radhitet në vendin e 58, pastaj vijojnë Kroacia dhe Mali i Zi në vendin e 61, Serbia në vendin e 91 dhe Maqedonia në vendin e 96.

Gjatë hulumtimit është zbuluar se lumturia mund të blihet me para apo të vijë nga fati i mirë.

Anketa e realizuar nga Gallup World Poll, njësia e organizatës amerikane Gallup për zbatimin e anketave është realizuar në një periudhë nga viti 2005-2009, duke përfshirë 155 vende të botës. (ina)
Shtuar më 17/07/2010, ora 16:52
Tage: arkiv
Shkruani komentin tuaj!
Të fundit nga kjo kategori