Kosova paraqet propozimin e saj per EULEX
Pëlqej
Albeu.com
Në Kosovë, edhe gjatë ditës së sotme kanë vijuar negociatat në përpjekje për të gjetur një zgjidhje për mënyrën e vendosjes së misionit EULEX. Presidenti Sejdiu propozoi kater pika, mbi bazën e të cilave mund të bëhet vendosja e EULEX-it.Presidenti i Kosovës Fatmir Sejdiu dhe kryeministri Hashim Thaçi kanë zhvilluar një takim disa orësh në Prishtinë, me nënsekretarin amerikan të shtetit, Daniel Frid dhe me përfaqësuesin special të BE-s, Piter Fajth. Pas takimit, presidenti Sejdiu, lexoi një deklaratë katërpikëshe, mbi bazën e të cilave mund të bëhet vendosja e EULEX-it.

Shtrirja e misionit të EULEX-it ka hyrë në një fazë të re . Prishtina ka paraqitur një dokument 4 pikësh si kundër përgjigje ndaj planit 6 pikësh të Ban Ki Munit. Në emër të institucioneve të Kosovës deklarata për shtrirjen e EULEX-it u lexua nga presidenti Sejdiu pas takimit me nënsekretarin amerikan të shtetit, Daniel Frid, dhe përfaqësuesin special të BE-së, Piter Fajth.

“1-Jemi për vendosjen sa më të shpejtë të EULEX-it në Kosovës sipas mandatit të paraparë me deklaratën e pavarësisë, dokumentin e presidentit Ahtisari, Kushtetutën e Republikës së Kosovës , ligjet e Kosovës, aksionin e përbashkët të katër shkurtit 2008 dhe ftesën e bërë EULEX-it nga institucionet e Kosovës .

2- Institucionet e Kosovës e refuzojnë në tërësi dokumentin gjashtë pikësh.

3- Institucionet e Kosovës do të bashkëpunojnë ngushtë me EULEX-in në tërë territorin e Kosovës në bazë të mandatit sipas dokumentet të lartpërmendura, duke respektuar sovranitetin dhe integritetin e Kosovës.

4- Institucionet e Kosovës do të bashkëpunojnë si gjithmonë me SHBA-të, BE-në dhe NATO-në “

Ndërkohë nënsekretari amerikanë i shtetit, Daniel Frid , tha se pikat e paraqitura nga presidenti Sejdu, përbejnë një platformë të mirë për të ecur përpara. Ai paralajmëroi se menjëherë do të udhëtojë drejt Gjenevës për të biseduar me zyrtarët e Kombeve të Bashkuara për mënyrën se si të ecet përpara.

“Unë do të shkoj sot në Gjeneve për tu takuar me Allen Le Roa nga Kombet e Bashkuara për të diskutuar hapat e ardhshëm. Por dua të them se kemi bazë të mirë për të lëvizur në mënyrë produktive”. (rtk/albeu)
Shtuar më 18/11/2008, ora 18:56
Tage: arkiv
Shkruani komentin tuaj!
Të fundit nga kjo kategori