Dhunohet me mjete të forta një mjek në senatoriumin e Korçës. Ngjarja ka ndodhur gjatë ditës së sotme, ndërsa është denoncuar në media nga kryeinfermieri i shërbimit spitalor Mihallaq Kondi.

Sipas Kondit, mjeku Thoma Nini, ish-konsull në Selanik, është dhunuar nga një pacient, i cili e ka goditur ate disa herë me një karrige, duke i shkaktuar plagë të shumta në koke. Policia ka arrestuar 61-vjecarin Hajdar Bregu nga fshati Lubonik, i cili ishte shtruar në sanatorium prej 7 ditësh.

Ende nuk dihen motivet e ngjarjes, ndërsa Kondi sqaron se goditja ka ardhur në befasi dhe nuk ka pasur asnjë sherr mes paleve, ndërsa thekson se rastet e dhunës ndaj mjekëve në spitalin e Korçës kanë qenë të shpeshta, ndaj ditën e nesërme do te organizohet një proteste sensibilizuese kundra dhunës ndaj bluzave të bardha. /albeu.com/