Korçarët lenë mollën dhe qepën, ky është burimi i ri i të ardhurave
Rajoni juglindor është duke u orientuar gjithnjë e më tepër drejt bimëve medicinale, ndërkohë që sa vjen e reduktohet sipërfaqja e kultivuar me prodhime tradicionale.

Fermerët e fushës së Korçës tregojnë se tregu më i sigurt, por edhe fitimet më të mëdha ndërkohë që kostot më të ulëta i bëjnë ata të zgjedhin këto kultura, duke braktisur dhe duke lënë mënjanë prodhime si gruri, qepa, patatja, apo edhe të lashtat.

Një kilogram lulekuqe e tharë shkon nga 1.700 deri në 1.800 lekë, ndërsa lule ciani shitet 800 lekë për kg, raporton TCH.

Këtë vit, në rajonin juglindor përllogariten rreth 236 hektarë të mbjella me bimë të ndryshme, ndërsa vitin e kaluar kjo sipërfaqe ka qenë 196 hektarë.

Një prej faktorëve kryesorë që kanë ndikuar është tregu i sigurt për këtë prodhim, rreziku më i vogël i dëmtimit nga faktorët atmosferikë, e kosto më e ulët në mbjellje dhe kujdes.
Shtuar më 27/06/2018, ora 10:38

Shkruani komentin tuaj!
Të fundit nga kjo kategori