Me vota unanime, Komisioni parlamentar i Ekonomisë ka miratuar pr/vendimin për shkarkimin e Ardian Fullanit, nga posti i Guvernatorit të Bankës së Shqipërisë.

Ky vendim vjen pas propozimit që Këshilli Mbikëqyrës i institucionit më të lartë financiar në vend, i ka bërë Kuvendit për shkarkimin e Fullanit.

Të pranishëm në mbledhjen e Komisionit kanë qënë deputetët e mazhorancës, ndërkohë që opozita vijon bojkotin.

Pas përfundimit të mbledhjes së Komisionit të Ekonomisë, Erion Braçe deklaroi:

“Shkresa e Këshillit Mbikëqyrës që vë në dijeni Kuvendin për shkarkimin e Fullanit, mbështetur në nenin 47, pika 2, gërma c të ligjit për Bankën e Shqipërisë.

Baza ligjore ka qenë kjo: Motivacioni është “shkelje e etikës në Bankën e Shqipërisë dhe cënimi i thellë i interesave të BSH-së”.

Komisioni e ka gjetur në përputhje me ligjin për BSH propozimin e Këshillit dhe e ka miratuar shkarkimin në unanimitet”. /albeu.com/