Kokalari: Ju rrëfej miqësinë e Fullanit me ambasadorin Arvizu
Pëlqej
Arrestimin e Guvernatorit Ardian Fullani, shqiptaro-amerikani, Geri Kokalari e quan sinjal të mirë, megjithëse ka denoncuar lidhjet e Fullanit me Ambasadorin e Shteteve të Bashkuara të Amerikës, Arvizu.

Duke folur për emisionin, “Tonight Ilva Tare”, Bashkimin kombëtar me Kosovën, ai e konsideron një ide të mirë, por që nuk ka për të ndodhur pasi, sipas tij europianët, nuk e duan bashkimin e Shqipërisë me Kosovën.

Intervista e plotë:

Ilva Tare: Kam lexuar në një nga intervistat tuaja që janë dy gra që ju i vlerësoni më së shumti në jetën tuaj. Nënë Tereza dhe Musine Kokalari e cila ju ka inspiruar juve në aksionet tuaja?

Geri Kokalari: Musine Kokalari më ka frymëzuar sepse ishte një grua me guxim të madh. Ishte një grua që tha atë që mendonte. Ishte një tragjedi ajo që i ndodhi asaj. Ajo ishte ndoshta gruaja më e edukuar në Shqipëri në atë kohë, ndoshta gruaja e parë që ishte edukuar jashtë Shqipërisë dhe në vend që ta mbanin këtë resurs dhe ta përdornin atë, për shkak të bindjeve politike, ata e shkatërruan atë. Kjo është një tragjedi dhe tani jam i lumtur që ajo shihet si martire dhe ata që e persekutuan atë shihen si kriminelë.

Ilva Tare: Por gjërat kanë ndryshuar këto vite, veçanërisht pas rënies së komunizmit. Akoma na mungojnë disa modele frymëzimi nga gratë apo edhe burrat e këtij vendi, si mendoni? Është e vërtetë?

Geri Kokalari: Hera e parë që erdha në Shqipëri ishte në vitin 1993. Ju e dini dhe shikuesit tuaj më mirë se unë se gjëndja nuk ishte shumë e mirë. Për mua ishte sikur erdha në një vend me zombi. Kushtet ishin shumë shumë të këqija. Janë bërë përmirësime fizike. I shoh çdo herë që vij këtu.Shoh dyqane më të mirë, shoh njerëz që vishen më mirë, shoh biznese, shoh më shumë ndërtesa por për disa arsye, klasa politike ka dështuar të maturohet dhe akoma më e rëndësishme, sistemi i drejtësisë ka dështuar të maturohet dhe kjo është ndoshta pengesa kryesore për Shqipërinë që të avancojë.

Ilva Tare: Si mund të rritet elita politike? Nuk është publiku që i zgjedh ata ose janë përgjegjës ata për kë zgjedhin?

Geri Kokalari: Kjo është pyetje shumë e rëndësishme. Në SHBA, ne I telefonojmë kongresmenit, senatorit tonë. Edhe një njeri që nuk është shumë i pasur i bie telefonit dhe ata dëgjojnë sepse ata duan të votohen. Nuk e di nëse ky sistem ka përparuar këtu. Mendoj se një gjë e mirë që ndodhi me situatën e guvernatorit Fullani është që thirrjet politike kanë detyruar qeverinë të bëjë diçka. Duhet të jetë më shumë se kaq. Duhet të ketë më shumë elektorat që i bën presion njerëzve që zgjedhin për aksionet e tyre.

Ilva Tare: Dhe mendoni se më në fund populli po del nga apatia që zakonisht kemi patur këto 24 vjet?

Geri Kokalari: Të paktën, herën e fundit u zgjuan, por shpresoj që të mos bien përsëri në gjumë.

Ilva Tare: Keni ndonjë rol në këtë zgjim?

Geri Kokalari: Mendoj se në disa raste, disa nga gjërat që kam ekspozuar, shpresoj të kem patur pak influencë në mënyrën se si njerëzit kanë hetuar çështjet këtu. Kam vënë në dyshin çështje që në pamje të parë dukeshin të ligjshme por nuk kanë qenë aq të ligjshme.

Ilva Tare: Cili ka qenë interesi juaj që e bënit këtë?

Geri Kokalari: Të përpiqesha ta bëja Shqipërinë më të mirë. Nuk kam fituar para. Zoti e di që kam humbur para duke e bërë këtë.

Ilva Tare: Disa nga kritikët thonë se keni qenë i përfshirë dhe kur jeni përjashtuar nga pazare ose përfitime, atëhere i keni bërë gjërat publike.

Geri Kokalari: I përjashtuar nga çfarë?

Ilva Tare: I përjashtuar nga marrëveshje të mundshme, nga influenca?

Geri Kokalari: Jo

Ilva Tare: Pse do ta thonin këtë nëse nuk është e vërtetë?

Geri Kokalari: Sepse duhet të thonë diçka . Duhet të më diskreditojnë. Hera e vetme që nëse mund të thuhet se ishte një situatë biznesi, nuk ishte sepse nuk e dija se ç’do bëhej. Kemi dërguar 10 milionë dollarë këtu. Nuk kam marrë asgjë prej kësaj. Unë kam dhënë.

Ilva Tare: Të cilat u mblodhën nga shqiptarë?

Geri Kokalari: Ne i mblodhëm nga OJF të tjera dhe paguam për dërgesën e tyre këtu. Ishte një situatë me Sali Berishën, i cili më kërkoi ndihmë në 1995 dhe unë u mundova të sjell Kamal Adham këtu i cili ishte ndikuesi më i madh i interesave shqiptare në botë. Sali Berisha ma kërkoi këtë. Pasi rregullova takimin, udhëtova për në Arabinë Saudite, ai ishte gjysmë vëllai i mbretit të Arabisë Saudite, kreu i Sigarinit në Arabinë Saudite, një nga njerëzit më të fuqishëm të Lindjes së Mesme, mendova se mund t’i sillte kontribute Shqipërisë. Papritur Sali Berisha ndërroi mendje. Sinqerisht unë u mërzita, nuk kisha përfitime biznesi, u përpoqa ta sillja atë këtu dhe mendova se do të ishte mirë për Shqipërinë dhe më vonë ai vdiq. Mund të them se më la shije të keqe Sali Berisha. Shija më e keqe që më ka lënë Sali Berisha ishte në 1997 sepse e paralajmërova për piramidat në 1996. I thashë që nuk ka të bëjë më ‘nëse’ por me ‘kur’ piramidat do të rrëzohen dhe u thashë se kur të rrëzohen, do të shkaktohen trazira të mëdha civile.

Ilva Tare: Zoti Kokalari, kur ju thoni atyre, kush? Kujt ia thatë këto?

Geri Kokalari: I kam dërguar korrespondencë Berishës, ka folur me ambasadorët në Neë York, kam folur me Ministrin e Financave këtu në Shqipëri dhe njerëz të tjerë që kishin të bënin me situatën.

Ilva Tare: Dhe ju i thatë personalisht apo përfaqësonit ndonjë kompani lobimi?

Geri Kokalari: Personalisht, i dërgova korrespondence, por mos harroni ata gjithashtu erdhën tek unë duke më kërkuar ndihmë. Sali Berisha më 1995 më ftoi në takim dhe më tha se si mund të na ndihmosh, kush tjetër mund të na ndihmojë? Jam i kënaqur ta bëj, jam i kënaqur të mundohem të ndihmoj.

Ilva Tare: Pastaj në 1997 të gjithë e dimë se ç’ndodhi, ishte brutale. Çfarë bëtë pas kësaj?

Geri Kokalari: Më kërkoi të organizoja një takim në Neë York dhe së bashku sollëm qeverinë e koalicionit së bashku me ambasadorët në Shqipëri, edhe me pjesëtarët e opozitës dhe i thamë njerëzve të Berishës se ai duhet të ikte. Fajin më të madh ia vë piramidave dhe Sali Berishës. Kishte hajdutë tek piramidat, por ai u paralajmërua jo vetëm nga unë por edhe agjensitë ndërkombëtare t’i ndalonte, gjë që nuk e bëri. Aty marrëdhëniet u prishën, por u rivendosën më vonë.

Ilva Tare: Kur dhe pse veçanërisht?

Geri Kokalari: Në atë pikë një tjetër karakter u shfaq dhe ai ishte Fatos Nano.

Ilva Tare: I votuar dhe i zgjedhur nga populli shqiptar.

Geri Kokalari: Dhe në opinionin tim, shumë shumë i korruptuar. Jo vetëm në opinionin tim, unë kam dokumente që e mbështesin nga FBI.

Ilva Tare: Ai kurrë nuk u shpall i fajshëm apo i dënuar nga gjykata shqiptare për korrupsion që ju po e akuzoni. Po flas për drejtësinë shqiptare të cilën mendoj se duhet ta marrim parasysh kur flasim për ish Kryeministra.

Geri Kokalari: E kuptoj. Unë mund t’ju tregoj një raport nga FBI që e kanë ndjekur në kazino me roje sigurie në kazino me njerëz që ecin me të që mbajnë mijëra dollarë dhe luajnë para. Nga vjen kjo para? Ranë nga qielli?

Ilva Tare: Dinte gjë FBI për këto para meqë po e merrni si burim?

Geri Kokalari: I thashë që t’i gjurmonin
Ilva Tare: Gjurmuan gjë?
Geri Kokalari: I gjenin në kazino, sa herë linte para, gjenin njerëz që sillnin mijëra dollarë.

Ilva Tare: Si mund ta provoni këtë sepse kjo ngjan më shumë si thashethem sesa si fakt?

Geri Kokalari: Nuk është thashethem. Është një raport që e kam marrë nga akti i lirisë së informacionit të FBI

Ilva Tare: Çfarë viti ishte ky raport?

Geri Kokalari: Ky raport është… po përpiqem ta gjej. Ky raport është i 2004. Njerëzit që shoqëronin Nanon udhëtojnë në kazinonë Mohegan Sun. Një pjesë e mirë e Nanos në kazino është kapur nga kamerat e sigurisë. Nano luajti tek tavolina black jack 100 dollarëshe. Ishte më shumë se një rast. Atij iu dha 7000$ cash nga një individ. FBI e Neë York po pret që zyrtarët e kazinosë të gjejnë shumën totale të humbur të Nanos ashtu si dhe informacionin e hotelit. Nuk e kam raportin e plotë pas kësaj por ata po e ruanin atë. Pse?

Ilva Tare: E dini Pse? Sepse Mohegan Sun është një kazino ku çdo amerikan mund të shkojë? Nuk është aktivitet i paligjshëm të shkosh atje.

Geri Kokalari: Ku i gjeti Fatos Nano paratë? Njerëzit i jepnin mijëra dollarë dhe në një rast, nuk e kam të provuar ishin një qind mijë dollarë. Pse do ta bënin njerëzit këtë? Sepse i pëlqen Fatosi? T’i rikthehemi bisedës

Ilva Tare: Kujt bisede?

Geri Kokalari: Unë që sulmoja Sali Berishën dhe Fatos Nanon. Në 2004 unë mora një telefonatë nga Linda Shani. Ajo ka vdekur. Unë kisha simpati Lindën, ajo ishte një zonjë e këndshme. Ajo më mori në telefon për të më takuar në New York. Ajo e dinte që po sulmoja Fatos Nanon dhe në atë pikë Berisha ishte gati të rikthehej në pushtet.

Ilva Tare: Linda nuk është më midis nesh dhe nuk mund ta konfirmoj këtë por ajo u dërgua nga Sali Berisha apo foli personalisht?

Geri Kokalari: Mund të konfirmohet sepse u regjistrua tek sistemi i sigurisë në ndërtesën time. Ajo erdhi, më foli. Gjëja e parë që i thashë ishte se Sali Berisha nuk është i mirë, Sali Berisha është përgjegjës për piramidat. Asaj nuk i pëlqeu ajo që i thashë unë. Ajo tha jo, ai ka ndryshuar. Ai ka shumë respekt për atë që po ben ti për sa i përket Fatos Nanos dhe ai kërkon që të ndjekë penalisht Fatos Nanon që të zhdukë korrupsionin nga Shqipëria. Unë thashë ok, erdha në Shqipëri dhe takova Sali Berishën.

Ilva Tare: Në çfarë viti?

Geri Kokalari: Viti 2004, 2005

Ilva Tare: Afër zgjedhjeve të përgjithshme

Geri Kokalari: Dhe Sali Berisha më prezantoi me Mero Bazen, me të cilin bashkëpunuam për të sulmuar Fatos Nanon. Unë punova me shqiptarë të tjerë në New York dhe filluam protestat kundër Fatos Nanos. Nuk po them që isha arsyeja e vetme por kontribuova për të treguar se Fatos Nano ishte një individ i korruptuar.

Ilva Tare: Në fakt në një nga intervistat tuaja thoni se Sali Berisha e bëri Fatos Nanon të dukej një amator në korrupsion? Si mund ta provoni këtë

Geri Kokalari: Tani kemi ecur përpara në kohë sepse një nga gjërat që duhet të shohim tek Sali Berisha është se Sali Berisha bëri fushatë për të luftuar korrupsionin. Ai gjithashtu bëri fushatë për të punuar me mua për të sjellë të gjitha mospërputhshmëritë dhe problemet në industrinë e telekomit shqiptar e cila ishte një barrë për gjithë shqiptarët. Ai tha se do ta rregullonte industrinë e telekomit dhe tha që do të pastronte korrupsionin. Ai gënjeu. Ai gënjeu.

Ilva Tare: Po pse e ndihmuat? Le të kthehemi tek ndihma juaj sepse kur ta kem ish Kryeministrin Berisha do ta pyes por dua versionin tuaj?

Geri Kokalari: Në atë pikë fillova ta ndihmoja për shkak të Fatos Nanos, doja të hiqja qafe Fatos Nanon.

Ilva Tare: A është kjo marrëdhënië e tipit, e urrej këtë njeri, po i shkoj pas dhe më pas po e urrej përsëri?

Geri Kokalari: Jo, kjo marrëdhënie është të përpiqesh të gjesh njeriun në Shqipëri i cili do ta bëjë vendin të ecë përpara.

Ilva Tare: Por po flisje me një njeri që bëri 97-ën në Shqipëri, pra nuk po i flisje dikujt që nuk e njihje?

Geri Kokalari: E kuptoj. A e besova? Më pyesni a e besova? Jo

Ilva Tare: Pse e ndihmuat atëherë?

Geri Kokalari: Sepse siç e thashë, armiku i armikut tim.

Ilva Tare: Duket qartë se keni gjak shqiptari

Geri Kokalari: Unë kam shumë gjak shqiptari, më shumë gjak shqiptari se sa anëtarët e familjes së Berishës.

Ilva Tare: Zoti Kokalari, ka një tjetër hamendësim se e prishët marrëdhënien tuaj me Sali Berishën kur ju dështoi marrëveshja me New World Telecom? Kishit ndonjë interes në këtë marrëveshje?

Geri Kokalari: Zero, asnjë. Interesi im ishte të dështonte. Shikojini, informacionet janë në internet. New World Telecom u soll këtu nga një biznesmen indian i cili kishte marrëdhënie me familjen Daley në Chicago. Daley u bë sekretar i Kongresit. Ai pati idenë se mund të vinte këtu dhe të merrte liçencën. Ai e pa Shqipërinë si një territor të virgjër. Ai ndoshta e ka parë si një vend ku njerëzit nuk ishin shumë të sofistikuar dhe ai shkoi tek Daley dhe i tha se kjo është ajo që dua të bëj. Dua të shkoj të investoj para në Shqipëri. Ai nuk kishte para. Ai tha që do t’i bashkohej partnerëve si Motorola. Atëherë Daley i telefonon Departamentit të Shtetit të cilët i telefonojnë ambasadorit Joseph Limprecht. Duhet të kuptoni diçka, njerëzit në ambasadë nuk janë njerëz të biznesit. Ata në disa mënyra janë shumë naivë dhe nuk do ta pëlqejnë atë që do them por ky është një fakt.

Ilva Tare: Pse prisni që Shqipëria të jetë perfekte kur edhe amerikanët kanë shumë probleme?

Geri Kokalari: Nuk pres që Shqipëria të jetë perfekte. Amerika nuk është perfekte, por ashtu siç po e diskutonim më parë, të paktën në Amerikë, kur njerëzit bëjnë krime, jo gjithmonë, ka raste që duheshin dënuar si O.J Simpson, që ishte një parodi, disa njerëz shumë të pushtetshëm, të mëdhenj kur bëjnë krime paguajnë dhe shkojnë në burg. Një shembull perfekt është Richard Nixon. Richard Nixon abuzoi me pushtetin. Ai u përzu nga zyra e tij dhe ishte njeriu më i fuqishëm në botë në atë kohë.

Ilva Tare: Por ai nuk shkoi në burg?

Geri Kokalari: Po. Nuk ishte i lumtur.

Ilva Tare: Do i rikthehem çështjes por dua të kem një shpjegim të qartë. Ky është problemi kryesor që demokracia shqiptare ka deri tani, që njerëzit abuzojnë me pushtetin, korruptohen dhe ia hedhin drejtësisë?

Geri Kokalari: Është një problem kyç, Është një problem kyç dhe besoj se është një problem që europianët dhe amerikanët mund të ndihmojnë të rregullohet duke i bërë presion këtyre njerëzve.

Ilva Tare: Por pse? Së pari pse do të duhet ta bëjnë këtë, cili është interesi i tyre? Dhe së dyti pse një vend sovran si Shqipëria do ta lejojë këtë?

Geri Kokalari: Sepse varet nga këto shtete, sespe shteti sovran i Shqipërisë do të bëhet pjesë e BE. Sepse varet nga SHBA për mbrojtjen. SHBA e krijoi Shqipërinë. Ne e dimë që një fjalë e keqe nga një ambasador amerikan ose nga një lider i BE, i bën shumë dëm një politikani shqiptar.

Ilva Tare: A kanë amerikanët interes tek Shqipëria?

Geri Kokalari: Mendoj se qeveria amerikane nuk ka interes tek Shqipëria, por po të mendojmë në mënyrë strategjike, sigurisht ata kanë interes në stabilitetin e Ballkanit. Mendoj se kjo nuk është një problem i madh tani, mendoj se gjërat janë të stabilizuara por kush e di, asnjëherë nuk e di por ata duan të mbajnë stabilitetin në Ballkan dhe sigurisht janë të interesuar në bashkëpunim në luftën kundër terrorizmit. Jo vetëm nga Shqipëria por nga çdo vend por është një faktor shumë i rëndësishëm.

Ilva Tare: Si mund ta detyrojnë establishmentin e një sistemi të mirë drejtësie në Shqipëri sipas jush?

Geri Kokalari: Ata mund të thonë, le të heqim qafe njerëzit që janë të motivuar politikisht në zyrat e tyre, le t’i heqim dhe ata mund ta bëjnë atë.

Ilva Tare: Si? Ne po flasim për institucione të pavarura, njerëz të zgjedhur në zgjedhje të lira dhe të ndershme pra si mund të ndërhyjnë?

Geri Kokalari: Sapo e hoqën Kryeministrin e Irakut dhe mund ta bëjnë edhe këtu gjithashtu.

Ilva Tare: Mendoj se Iraku është një rast i ndryshëm dhe procesi është i ndryshëm gjithashtu.

Geri Kokalari: Mendoj se janë të fuqishëm mjaftueshëm për t’i bërë këto, veçanërisht në një vënd të vogël si Shqipëria dhe nuk po them ta bëjnë për arsyen e gabuar sepse një gjë që isha i shqetësuar për SHBA është se janë shumë të shqetësuar për të mos ndërhyrë sepse Shqipëria ka shumë respekt për SHBA pra ata mund të vendosin njerëz në vend pra kështu është një gjyqësor transparent dhe i fuqishëm. Duhet të jetë. Ka shumë gjëra që kanë ndodhur këtu që s’duhet të kishin ndodhur dhe duhet të rregullohen dhe deri sa kjo të vihet në vend Shqipëria nuk do të bëjë përpara.

Ilva Tare: Por kjo duhet të rregullohet nga shqiptarët do të ishte gjykimi im

Geri Kokalari: Dëgjoni, ka shumë gjëra këtu që janë shumë të dukshme që shqiptarët, nuk e di nëse nuk deshëm të dëgjonin apo të kuptonin, por nuk duhet t’i kishin lënë të ndodhnin kurrë, kurrë.

Ilva Tare: Më jep disa shembuj, çfarë nuk duhet të kishte ndodhur?

Geri Kokalari: Albtelecom. Ky dokument u firmos nga Sali Berisha

Ilva Tare: Po flasim për një marrëveshje te votuar nga parlamenti shqiptar. Si mund të jepni opinione për të?

Geri Kokalari: Nuk do jepja opinione. Thuhet këtu.

Ilva Tare: E kam fjalën për fakte sepse opinionet mund t’i ndani

Geri Kokalari: Kjo tregon se energjinë donin ta jepnin. Kërko në internet për Vetro Energy dhe nuk do të dalë asgjë. Ishte një kompani fantazmë, nuk ka ekzistuar asnjëherë. Pastaj pasi thanë që Kompania Vetro është fituese krejt papritur, ashtu si me Armon, Rezart Taçi bie nga qielli. Si është e mundur kjo, ky nuk është një proces tenderi transparent.

Ilva Tare: Ai është një biznesmen shqiptar. Sigurisht që do përfshihet në marrëveshje biznesi

Geri Kokalari: Ai duhet të ishte në fillim dhe duhet të kualifikohej në fillim dhe nuk ishte. Njesoj siç ndodhi me Armon. Pastaj si pjesë e procesit të tenderimit, ata thanë se kemi një garanci financiare me 10% të shumës së kontratës. 85 milionë Euro. I hodha një sy dhe meqë ra fjala ishte një ndryshim tjetër. Supozohej se duhet të vinin nga një bankë e madhe. Në mes të procesit një tjetër bankë doli në dritë. American Chartered Bank. Dhe thashë, dale t’i hedh një sy kësaj banke dhe e pashë. Nuk është sekret, kjo është e marrë nga interneti dhe pashë deklaratën financiare. Deklarata financiare thotë se kanë 215 mionë dollarë kapital dhe gjithashtu thuhet se nuk kanë operacione ndërkombëtare dhe i thashë vetes, nuk është e çuditshme që një bankë e vogël amerikane do rrezikojë gjysmën e kapitalit të saj në operacionin e saj të parë ndërkombëtar në Shqipëri? Nuk është e mundur

Ilva Tare: Kjo sepse ishit dyshues çdo herë që shihni marrëveshje në Shqipëri apo zakonisht është flamur i kuq kur lexoni diçka të tillë?

Geri Kokalari: Të dyja bashkë. Jam dyshues për çdo marrëveshje në Shqipëri por kam arsye. Pastaj telefonova bankën…

Ilva Tare: Ku është problemi këtu?

Geri Kokalari: Ka biznesmenë që jane legjitimë, i marrin materialet ndërtuese, i shesin, marrin shërbime si avokatë, e bëjnë. Ata janë biznesmenë legjitimë. Por kur biznesmenët ngatërrohen me qeverinë dhe luajnë lojëra që nuk janë në interesin e njerëzve dhe meqë ra fjala ka një problem më të madh këtu por vetëm sa për të mbaruar këtë. E kontaktova bankën, drejtuesit e bankës, kontaktova FDIC, Koorporatën Federale e Sigurimeve dhe Depozitave e cila kontrollon të gjitha bankat e SHBA dhe e solla këtë në vëmendje, faktin se Matthew Rosak i cili është kreu i VETRO ishte i akuzuar në komisionin e sigurisë nga qeveria amerikane. E thotë këtu. Mattew Rosak, shefi i kompanisë private i zotëruar nga Blue Rhino, drejtor, abuzoi me pozicionin e tij të besimit dhe konfidencialitetit dhe shpërdorimin e materialeve të informacioneve jo publike.

Ilva Tare: Por nuk ishte i dënuar

Geri Kokalari: Pagoi një tarifë dhe këtu është flamuri i kuq njësoj si flamujt e kuq që valëviten këtu në Shqipëri por më tej banka tha, Mund të konfirmoj se American Chartered Bank nuk është e përfshirë në transaksionin në fjalë.

Ilva Tare: Kuptoj. Por ku të çojnë këto dyshime? Cili është shqetësimi më i madh?

Geri Kokalari: Këto më çojnë, në opinionin tim, se u përpoqën t’ia jepnin të gjitha Taçit i cili ishte afër me Berishën, është një fakt i njohur , që të përfundojë tek ai në një pjatë argjendi dhe mundësisht ta kontrollojë asetin që të bënte para.

Ilva Tare: Po flasim për një marrëveshje që nuk u realizua

Geri Kokalari: E kuptoj por të kthehemi prapa, i gjithë procesi i konkursit, procesi i tenderimit, Patton Boggs nuk ishte mënyra më e mirë për ta bërë këtë. Patton Boggs në opinionin tim nuk është e kualifikuar për të bërë këtë punë.

Ilva Tare: Patton Boggs është një firmë lobimi e ligjshme në SHBA, ju nuk mund të gjykoni se ku përfshihen ata apo jo. Kush jemi ne që e gjykojmë ? Ose edhe ju?

Geri Kokalari: Unë po

Ilva Tare: Pse, si?

Geri Kokalari: Sepse unë njoh procesin. Unë e di se nuk është kjo forma që mbahet një tender. Ajo që duhet të kishin gjetur, është një firmë investuese legjitime nga një institut financiar legjitim që ka eksperiencë në sektorin energjitik. Kjo nuk është Patton Boggs.

Ilva Tare: Por pse një kompani e mirënjohur amerikane përfshihet në këto marrëveshje?

Geri Kokalari: Para

Ilva Tare: Para të ligjshme besoj?

Geri Kokalari: Epo, atyre iu pagua tarifë për Armon dhe Armo ishte një marrëveshje tjetër. Doni të flasim për Armon? Është e njëjta gjë. Texas Refinery Associates supozohej të ishte fituesi. Krejt papritur Taçi bie nga qielli dhe asnjëherë nuk i përmbushi detyrimet e tij atje.

Ilva Tare: Zoti Kokalari, marreveshjet si, Armo, Albpetrol dhe Telecom. Ju i keni ekspozuar këto çështje në media.

Geri Kokalari: Nuk isha i vetmi por mora pjesë.

Ilva Tare: Po. Patët ndonjë problem kur i publikuat në median shqiptare?

Geri Kokalari: Gjithmonë kam probleme të publikoj në median shqiptare.

Ilva Tare: Çfarë do të thotë kjo?

Geri Kokalari: Disa herë i publikojnë, disa herë jo. Disa herë iu duket shumë kontroversale. Disa herë kanë frikë. Ju e dini më mirë se unë se pushteti politik këtu influencon tek disa nga mediat dhe nëse do të dëgjojnë diçka që nuk u pëlqen për ndonjë shok të tyre. Ka patur raste, jo tek ju, nuk po flas për ju, për raste në të shkuarën kur pata rënë dakord për të…

Ilva Tare: Pra ju mund të flisni i lirë në këtë media. Siç e bëtë të qartë në pjesën e parë të intervistës, këto janë opinionet tuaja personale…

Geri Kokalari: Dhe disa janë fakte

Ilva Tare: Dhe disa janë fakte dhe janë të vlerësuara dhe mund të ndihmojnë në një pikturë më të madhe veçanërisht kur bëhet fjalë për korrupsionin në këtë vend i cili ka qenë jo vetëm sipas institucioneve shqiptare por edhe nga raportet e International Transparency, ka qenë në shifra shumë të larta. Më lini të kthehem tek marrëdhënia juaj me Berishën në 2005 dhe si kontribuat ju, sipas jush, për të nxjerrë Fatos Nanon nga skena politike dhe kthimi me Berishën. Çfarë ndodhi me të?

Geri Kokalari: Dëgjoni. Ju më pyesni pse ndërrova mendje për Berishën pasi pata të bëj me të më parë. Ndryshova sepse ai po premtonte të bënte dy gjëra që mendoja se ishin të rëndësishme. Të zhdukte korrupsionin dhe të rregullonte problemin e sistemin të Telekomit dhe thashë në rregull, mbase ka ndryshuar. Ndoshta, nuk mendoj kështu por mbase. Doja të rrezikoja. Por menjëherë pasi zgjedhjet ndodhën, nuk e njihja më parë, shkova tek Lulzim Basha në Hotel Sheraton. Nuk pata një përshtypje të mirë për Lulzim Bashnë të them të drejtën dhe i thashë se e di që jam i përfshirë për t’u përpjekur për të rregulluar Telekomin. E di, e di, e di. Më tha do të lidhem me ty, duhet të shkoj në New York tani, shpresoj që mund të punojmë bashkë për të bërë diçka për këtë. Nuk u takova më me të asnjëherë dhe me sa di unë, sistemi i Telekomit nuk u rregullua kurrë.
Dhe të mos harrojmë faktin se ai u thirr për të dëshmuar për rrugën e tij dhe ishte shumë i zënë për të ardhur. Ky nuk është shteti i së drejtës, ky nuk është funksionimi i ligjit. Nëse ishte fajtor apo jo, duhet të kishte ardhur.

Ilva Tare: Po i thoni këto se nuk patët një përshtypje të mirë për të kur e takuat?

Geri Kokalari: Nuk pata një përshtypje të mirë për të, sepse ai tha që do të bënte diçka për të cilën ishte votuar, diçka që ai dhe Sali Berisha nuk ma premtuan mua, por popullit të Shqipërisë. Dikush duhet të flasë. Unë zgjodha veten time.

Ilva Tare: Për çfarë?

Geri Kokalari: Për të folur

Ilva Tare: Për atë që ju mendoni se është e drejtë dhe e gabuar?

Geri Kokalari: Për atë që më duket e drejtë, mbase nuk është e drejtë, nuk e di por lëmë shqiptarët të gjykojnë. Le të shohim emisionin dhe le të gjykojnë.

Ilva Tare: Po për Kryeministrin aktual Edi Rama, nuk keni thënë asgjë të keqe akoma për të?

Geri Kokalari: Ai është njeriu më i mirë në botë.

Ilva Tare: Me të vërtetë? Nuk e prisja këtë nga ju

Geri Kokalari: Më lini t’ju them diçka. Nuk e njoh Edin aq mirë. E kam takuar. Njoh disa njerëz të afërt me të. E di që janë njerëz inteligjentë, progresistë. A jam aq naiv sa të them që nuk do të ketë probleme? A jam aq naiv sa të them që pushteti nuk do t’i korruptojë ata? Jo, nuk jam. Nëse ndodh dhe kur të ndodhë, kur të jetë e nevojshme unë do të flas. Edi Rama ka probleme, ai ka një koalicion që kam kundërshtime, ka njerëz rreth tij që kam kundërshtime…

Ilva Tare: Por ju nuk keni rezerva ndaj dikujt që ka qenë 11 vjet në pushtet në Tiranë?

Geri Kokalari: Ai ka bërë disa gjëra pozitive në Tiranë. Edhe njëherë, nuk do të them që nuk ka hajdutë në qeverinë e tij. Ka shumë, në opinionin tim, ashtu si kishte tek Berisha. Ajo që po shpresoj është se Edi Rama do mundohet t’i thotë vetes, atë që unë thashë për Sali Berishën kur u zgjodh në 2005. Bëje veten të shkruhesh në histori si një njeri i madh i Shqipërisë. Ke aftësinë për të ndryshuar gjërat këtu dhe t’i bësh gjërat më mirë. Edi Rama e ka këtë tani gjithashtu. Pra le të shohim.

Ilva Tare: U bë pothuajse 1 vit që ai është në zurën e Kryeministrit, si mendoni se po shkon deri tani?

Geri Kokalari: E vështirë për mua të gjykoj. Mendoj se mund të bëheshin më shumë gjëra, në mendimin tim. Do më pëlqente që të hapte çështjen e Albtelecom, Armo, do më pëlqente të hapte disa nga këto çështje. Do më pëlqente të shihja se deri ku do të shkojë me Fullanin. Mendoj se ishte një hap i mirë..

Ilva Tare: Por ç’punë ka Kryeministri me gjykatën dhe me rastin Fullani? Dhe meqë ra fjala, e prisnit atë që ndodhi me Guvernatorin Fullani?

Geri Kokalari: Dyshoja se diçka do të ndodhte

Ilva Tare: Pse?

Geri Kokalari: Sepse ishte shume kontroversiale dhe meqë ra fjala se nuk dua të shkoj shumë larg në këtë rrugë. Kjo çështje e Bankës së Shqipërisë është thelbësore sepse Banka e Shqipërisë është përgjegjëse për sistemin Financiar dhe nëse ai nuk mund të menaxhojë Bankën e Shqipërisë, të cilën qartësisht nuk mund ta bëjë,

Ilva Tare: E cila është një institucion i pavarur sipas Kushtetutës shqiptare

Geri Kokalari: Mirë por disa… E dini, Harry Truman, Presidenti i SHBA kishte një shenjë në tavolinën e tij. E dini se çfarë thoshte ajo shenjë? Thoshte Justifikimet mbarojnë këtu.

Ilva Tare: Vetëm firmat lobuese mund të hyjnë?

Geri Kokalari: E vërtetë. Ndoshta qasja e Fullanit ishte ndryshe, mbase ka thënë se jam kreu i institucionit, do mbaj përgjegjësi për të dhe do të gjej se çfarë ndodhi. Ndoshta nuk do të ishte në burg tani por thelbi është se ai institucion është shumë i rëndësishëm, është një institucion i shenjtë. Rezervat Federale është një institucion i shenjtë në SHBA. Duhej të ishte një institucion i shenjtë. Dhe në rregull nëse dikush vodhi disa miliona por kjo ka vazhduar për vite. Ata kanë kamera sigurie, ata kanë procedura, ata i injoruan ato. Kam patur një takim me të në 1996 në zyrën e …Luniku. Është e rëndësishme dhe kritike sepse ata mbikqyrnin sistemin financiar shqiptar. Sistemi financiar shqiptar ka nevojë për monitorim të fortë dhe kjo është interesi i SHBA

Ilva Tare: Pse kërkon monitorim të fortë?

Geri Kokalari: Sepse pikërisht për këto gjëra që po ndodhin, duhet kujdes

Ilva Tare: Për çfarë?

Geri Kokalari: Këto para që rrjedhin nga këto institucione, nuk janë medoemos gjithmonë të ligjshme.

Ilva Tare: Kemi ndonjë fakt për këto? Prapë FBI?

Geri Kokalari: Harrojeni FBI. Ambasada e SHBA e di. BE e di. Ata e dinë. Dhe meqë ra fjala unë njoh dikë që e di me siguri

Ilva Tare: Që di çfarë?

Geri Kokalari: Që di nëse këto institucione janë të pastra apo jo, dhe ku kanë shkuar paratë. Njoh dikë që e di me siguri. E dini kush është? Ky njeri këtu. Ai njeri.

Ilva Tare: Guvernatori Fullani i cili është nën arrest.

Geri Kokalari: Po, mendoj se duhet ta përdorin këtë mundësi për të zbuluar çfarë di ai dhe nuk dua t’ia di nëse supozohet se është mik i Arvizu. Arvizu duhet të kontrollojë gjithë këtë gjë.

Ilva Tare: ǒdoni të thoni me kontroll?

Geri Kokalari: Kam dëgjuar se janë miq, ai mendon se është miku i tij.

Ilva Tare: Por miqësitë personale nuk duhet të prekin, nuk duhet të kenë ndërhyrje?

Geri Kokalari: Saktë, Arvizu është këtu për të bërë atë që është e drejtë për SHBA dhe Shqipërinë.

Ilva Tare: Po e dyshoni që nuk po e bën këtë?

Geri Kokalari: Mendoj se po them që supozohet se ka një lloj marrëdhënie dhe ajo marrëdhënie duhet shkëputur tanimë.

Ilva Tare: Çfarë marrëdhënie e keni fjalën?

Geri Kokalari: Më kanë thënë se ai e ka mbështetur në të kaluarën. Nuk e di nëse është e vërtetë por kështu më kanë thënë

Ilva Tare: Çfarë lloj mbështetje?

Geri Kokalari: Miqësore, donte që të bëhej Guvernator i Bankës më parë. Nëse jo, thuaji të vijë këtu dhe ta thotë këtë

Ilva Tare: Ndoshta interesi amerikan ishte që Fullani të zgjidhej Guvernator.


Geri Kokalari: Fullani është njeri i mirë, i bën njerëzit ta pëlqejnë ndoshta kjo është e vërtetë gjithashtu. Ndoshta është një politikan i mirë. Nuk mendoj se është një bankier i mirë. Nga eksperienca ime me të.

Ilva Tare: Le të harrojmë për momentin opinionet personale dhe të merremi me faktet. Si mendoni se do të jetë skenari më i mirë që Banka duhet të bëjë tani dhe parlamenti për të zgjedhur guvernatorin e ri. Cili është profili që duhet t’i shkojnë pas?

Geri Kokalari: Së pari, nuk mendoj se duhet të jetë ndonjë nga grupi i mbikqyrësve sepse kanë provuar se kanë disa aftësi dhe duhet të ikin. Mendoj se duhet të jetë dikush nga përtej skenës. Duhet të jetë dikush që ka eksperiencë të thellë në punët ekonomike veçanërisht si rezultate në bankën qendrore. Ka ish guvernatorë, nuk mund të flas se cili është i duhuri por nuk duhet të jetë vendim politik. Duhet të jetë një person që ka personalitet, dhe duhet t’i qëndrojë larg politikës dhe duhet të jetë konsensual, duhet të jetë konsensual.

Ilva Tare: Nga maxhoranca dhe opozita

Geri Kokalari: Po

Ilva Tare: Që ka bojkotuar parlamentin.

Geri Kokalari: Opozita duhet të zgjohet dhe t’i lërë lojërat e kalajmave dhe të fillojë për interesin më të mirë të Shqipërisë.

Ilva Tare: Por ata po thonë se të drejtat e tyre, të drejtat e tyre kushtetuese po dhunohen

Geri Kokalari: Ata kanë dhunuar shumë të drejta kushtetuese gjithashtu.

Ilva Tare: Po por dy të gabuara nuk bëjnë një të drejtë.

Geri Kokalari: Ok, le të bëjmë dy njerëz së bashku dhe të marrim një vendim të drejtë për një çështje kaq të veçantë.

Ilva Tare: Le të kthehemi tek pyetja që kisha më përpara. Çfarë ka bërë qeveria mirë sipas jush?

Geri Kokalari: Një gjë, dhe akoma nuk e kanë bërë mirë por më pëlqen fokusimi, kur erdha këtu dola një xhiro nga jugu. Shkova në Vlorë, shkova në Dhërmi, Sarandë, Gjirokastër , nuk është sekret, e pashë këtë qëkur erdha këtu, ishte një potencial i madh për turistët atje, qartësisht një nga motorrat potencialë të PBB për të prodhuar punësim, jo vetëm në jug por në gjithë Shqipërinë. Ai ka thënë dhe shpresoj që t’i qëndrojë, që ka bërë një zotim për të zhvilluar infrastrukturën e nevojshme dhe gjërat e tjera që do të duhen për ta bërë të këshillueshme për turistët. Unë shoh shumë turistë këtu tani por duhet të jenë më shumë. Nga SHBA , nga pjesët e tjera të Europës, duhet të vijnë, duhet ta shohin, është vend shumë i bukur. Jam i impresionuar.

Ilva Tare: Do të thuash, fokusi tek turizmi është një nga arritjet më të mëdha që qeveria ka bërë?

Geri Kokalari: Nuk e kanë arritur akoma por është në fokusin e tyre dhe jam dakord me ta. Kjo është thënë më parë por nuk është bërë mjaftueshëm.

Ilva Tare: Një nga reformat më të nxehta për shkak të klimës politike të polarizuar është reforma e drejtësisë. Si mendon se duhet ta drejtojë këtë reformë maxhoranca?

Geri Kokalari: Mendoj se e thashë këtë më parë. Eshtë pak e komplikuar sepse gjithmonë mundohen të ndjekin SHBA dhe në fund të ditës edhe atje është e përfshirë politika dhe ka një kongres të fortë edhe nga opozita dhe siç e thashë mundohen të zgjedhin një person konsensual dhe edhe për këtu kam të njëjtën ide, të përpiqen për të gjetur një person konsensual. Njeriu që është atje tani ka shumë lidhje me Berishën dhe nuk jam i sigurtë se çfarë mendon presidenti për këtë. Duhet të jetë njeri që nuk është i përzierë. Për gjyqësorin thonë që gjykatësit shqiptarë janë më të mirët për t’u blerë. Kjo është çështja dhe duhet të zhduket. Unë njoh njerëz këtu që mund ta bëjnë këtë.

Ilva Tare: Të zhduket nga kush sepse politikanët kanë interesin e tyre? Si mund ta bëjnë këtë reformë? Si mund të bien dakord se do kenë përgjegjësi për çfarë kanë bërë?

Geri Kokalari: Do t’i rikthehem, BE dhe SHBA. BE dhe SHBA nuk mund të rrinë aty dhe të flasin dhe të thonë se duhen reforma. Ata duhet të vijnë këtu dhe të ndihmojnë, duhet të marrin prej dore, të tregojnë se si bëhet, t’i tregojnë njerëzve që thjeshtë të ndalin sepse në fund të ditës është në interesin më të mirë të vendit dhe të popullit dhe të gjitha këto gjëra nuk do të ndodhin, gjëra si Albtelecon, Armo, Banka Qëndrore e Shqipërisë. Këto kanë efekt afatgjatë, këto kanë efekt në formimin e këtij vendi. Shqipëria duhet të ketë investitorë privatë. Investitorët privatë nuk duan të vijnë këtu sepse nuk besojnë në sistemin gjyqësor.

Ilva Tare: Më lini t’ua ribëj pyetjen. Po thoni që SHBA dhe BE duhet të vijnë këtu dhe t’i thonë politikanëve tanë, reformoni sistemin tuaj gjyqësor, kështu ju…

Geri Kokalari: Jo vetëm t’i thonë

Ilva Tare: Por, çfarë?

Geri Kokalari: T’i bëjnë presion

Ilva Tare: T’i bëjnë presion për të reformuar sistemin gjyqësor kështu ata mund të shkojnë në burg. Pse do ta bëjnë atë?

Geri Kokalari: Ata mund ta bëjnë këtë se duan që ky vend të jetë i stabilizuar

Ilva Tare: Kush?

Geri Kokalari: Amerikanët dhe..

Ilva Tare: Ju mendoni se amerikanët e duan këtë vend më shumë se shqiptarët?

Geri Kokalari: Jo jo harroje këtë, po flas për interesa egoiste tani. Si amerikan ne duhet të godasim marijuanën këtu që unë nuk bie dakord, kjo është një histori tjetër, por të godasësh atë e cila ishte një biznes i madh këtu. Ishin miliarda dollarë të përfshira. Ato para u zhdukën diku. Ku shkuan, në ajër? Ato kaluan nga sistemi banker

Ilva Tare: Pra ja ku është diçka që qeveria duhet të bënte ndryshe?

Geri Kokalari: SHBA ka interes në financimin e terrorizmit, trafikun e drogës, trafikun e njerëzve, po ashtu edhe BE dhe nuk është sekret që Shqipëria është bërë një kryqëzim për këto gjëra. Nuk është opinioni im, ka shumë raporte për këtë. Ka përzierje interesash këtu, pse Shqipëria duhet të një sistem drejtësie të fuqishëm dhe legjitim dhe pse BE dhe SHBA e duan këtë gjithashtu dhe ata mund të bëjnë presion. Kur duan të bëjnë presion, ata munden.

Ilva Tare: Mendoni se do ta bëjnë, këto kohë?

Geri Kokalari: Nuk e di. Shpresoj që të jenë duke dëgjuar. Ata munden dhe ata duhet. Duhet ta bëjnë për interesin e tyre dhe duhet ta bëjnë për popullin shqiptar.

Ilva Tare: Morët vëmendjen time kur miratuat vendimin e qeverisë për t’i thënë jo armëve kimike?

Geri Kokalari: Po, jo vetëm e miratova, në procesin e debatit thashë që nuk duhet ta bëjnë.

Ilva Tare: Pse? Ne jemi anëtarë të NATO?

Geri Kokalari: Tani duhet të fillojmë të flasim për Gërdecin

Ilva Tare: Jo tani duhet të fillojmë të flasim për vendime që duhet të merreshin nga Shqipëria si anëtare e NATO për të treguar disa detyrime që kemi rënë dakord?

Geri Kokalari: E kuptoj. Shqipëria ka bërë shumë për të vërtetuar besueshmërinë e SHBA në shumë drejtime

Ilva Tare: Si përshembull?

Geri Kokalari: Gjatë luftës së Kosovës

Ilva Tare: Ishte interesi ynë

Geri Kokalari: Interesi ynë por gjithashtu interesi i SHBA. Janë përfshirë në luftën kundër terrorizmit. Pra zakonisht kur SHBA kërkon diçka Shqipëria e bën. Në këtë rast, askush nuk i donte ato armë kimike. Është e rrezikshme dhe ndjesia ime ishte se nëse Shqipëria nuk mund ta përballonte çmontimin e municioneve të thjeshta në Gërdec dhe unë ndalova në Gërdec kur kam qenë këtu meqë ra fjala, ku 26 vetë vdiqën për shkak të neglizhencës ekstreme dhe njerëzit që shkaktuan atë janë duke ecur të lirë kur ata 26 njerëz janë nën tokë, pashë edhe memorialin për ta, nëse s’mund të përballonin atë, si mund të pritej të përballonin shkatërrimin e armëve kimike. Me ato që kam lexuar ky proces do të kishte probleme edhe në Amerikë.

Ilva Tare: Dhe me çfarë kam dëgjuar unë dhe kjo qeveri, ka qenë mbështetje teknike dhe pajisje të sofistikuara që SHBA do të sillte në Shqipëri.

Geri Kokalari: Nuk do ta dimë përgjigjen e kësaj asnjëherë. Unë di përgjigjen e asaj që ndodhi në Gërdec

Ilva Tare: Nuk ishte kjo një mundësi e humbur për Shqipërinë?

Geri Kokalari: Nuk mendoj kështu, dhe as SHBA nuk mund ta thojë këtë. Ata e dinë që shqiptarët janë miq të SHBA. Ata po përfitonin nga Shqipëria. Shqipëria duhet të marrë një pozicion, dhe ajo që do them mund të duket paksa konfliktuale. Nga njëra anë dua që SHBA të influencojë Shqipërinë për gjëra të mira, veçanërisht kur vjen punë tek gjyqësori por nuk dua që Shqipëria të jetë një partnere pa kushte e SHBA. Shqipëria duhet të mendojë për interesat e veta por kur flas për për gjyqësorin…

Ilva Tare: Por mund të fillojnë të shohin interesat e veta duke mos abuzuar me pushtetin, duke mos u korruptuar, duke menduar për vendin, duke bërë reformat…

Geri Kokalari: Po por ky nuk është interesi i askujt tjetër. Ndoshta është interesi i politikanëve sepse ndoshta po fus para në xhep por..

Ilva Tare: Kur keni ekspozuar këto skandale në Shqipëri, këto çështje që përmendët, nuk jeni kërcënuar?

Geri Kokalari: Kam marrë telefonata nga njerëz që thonë, të lutem nuk duhet të flasësh kështu, jo kërcënime por sugjerime

Ilva Tare: Ju kanë ndalur këto sugjerime? Do ta bëni atë që keni bërë në të kaluarën?

Geri Kokalari: Sigurisht që jo.
Ilva Tare: Jo, pra do ju shohim sërish të publikoni gjëra që janë të dyshimta?

Geri Kokalari: Inshallah

Ilva Tare: Dhe Kosova, një tjetër çështje që keni patur për zemër dhe që është akoma në vëmendjen e çdokujt sidomos pas zgjedhjeve, pothuajse 90 ditë pas zgjedhjeve nuk ka akoma një qeveri. A shihni probleme apo telashe që po vijnë për Kosovën?

Geri Kokalari: Për të qenë shumë i ndershëm, interesi im në Kosovë ka mbaruar. Nuk duhet të them i mbaruar sepse kurrë mos thuaj kurrë. Jam përfshirë në Kosovë sepse besoja se duhet të ishte e pavarur dhe se njerëzit po persekutoheshin dhe se po kryhej spastrim etnik kundër tyre dhe po kryhej gjenocid kundër tyre. Kjo ishte përfshirja ime, të mundohesha t’i sillja kësaj një fund. Tani kam mjaft probleme për t’u marrë dhe për të cilat është e drejtë në Shqipëri. Kosova nuk është vendi im.

Ilva Tare: Por janë shqiptarë?

Geri Kokalari: E kuptoj dhe i kam ndihmuar kur kanë patur nevojë si shqiptarë por të përfshihem me politikën atje, nuk mendoj se është vendi im.

Ilva Tare: Keni ndonjë gjykim në mënyrën sesi po e ndërtojnë institucionet e vendit të tyre?

Geri Kokalari: Mendoj se fatkeqësisht ata po përdorin modelin e këtushëm i cili nuk është mirë.

Ilva Tare: Dhe çfarë mendoni për këtë bashkimin kombëtar midis Shqipërisë dhe Kosovës?

Geri Kokalari: Mendoj se nuk do të ndodhë. Nuk mendoj se është një ide e mirë dhe kjo është diçka që europianët nuk e duan. Mendoj se duhet të mendojnë më shumë të bashkohen me BE, të integrohen në BE dhe nëse duan mund të kenë një federatë dhe kjo është mirë por të flasësh për bashkim, jam i sigurtë që shumë njerëz janë dakord me këtë por mendoj se nuk është e nevojshme. Mendoj se duhet të shqetësohen për shtëpitë e tyre tani në këtë moment.

Ilva Tare: Pyetja e fundit. Cila është përshtypja më e madhe që kjo vizitë ju la, në Shqipëri këtë herë?

Geri Kokalari: Shumë gjëra duken pa kuptim por sigurisht më bën më shumë përshtypje ajo që shoh këtu në Tiranë. Shoh dyqane më të mirë, shoh ndërtesa zyrash që ndërtohen, isha në një zyrë dje, ishte një ndërtesë ngjitur me zyrën e Sali Berishës. Shumë ndërtesa të bukura. Është si ato që kemi në Nee York dhe shoh ndërtesa në një mënyrë shumë europiane. Kjo është gjë e mirë. Ajo që shoh është se kur udhëton në vende të tjera, ka varfëri ekstreme. Isha në Gjirokastër, më pëlqen të jem atje, të shkoj atje por ata kishin nevojë për ndihmë dhe kjo më bën të mërzitur dhe është akoma një problem. Nuk e di përgjigjen për të. Një anë tjetër e problemit por që është përmirësuar pak është se ka shumë plehra. Dhe nuk e kuptoj pse nuk mund të vihen në vend por mendoj se ky problem mund te rregullohet.

Ilva Tare: Pra kur do jetë vizita juaj e ardhshme në Shqipëri?

Geri Kokalari: Kush e di

Ilva Tare: Me shpresë për një vizitë turistike apo të publikosh diçka që mund të ngrini vëmendjen tuaj?

Geri Kokalari: Nuk I dihet

Ilva Tare: Zoti Kokalari faleminderit për këtë intervistë.
Shtuar më 11/09/2014, ora 09:46
Shkruani komentin tuaj!
Të fundit nga kjo kategori