Një lajm i hidhur, gruaja e aktorit të madh Demir Hyskja, Luljana, ka ndërruar jetë mbrëmjen e djeshme.
Lajmi bëhet me dije nga vetë djali i aktorit. Ai shkruan se tashmë e ëma është në parajsë me të atin.
“Sot, artistit i erdhi pranë në parajsën ku ndodhet, bashkëshortja e tij, Luljana. Ashtu si jeta i mbajti gjithmonë të pandarë, po kështu edhe në parajsën ku ndodhen tani do të jenë përjetësisht bashkë!
Qofshi të paharruar në rehatinë e Zotit”, shkruan djali i Demir dhe Luljana Hyskajt.
Kujtojmë që aktori i madh Demir Hyskja u nda nga jeta në vitin 2016 pas një sëmundje të rëndë, në moshën 79-vjeçare.Aktori i famshëm la pas një vepër të pasur me role në kinematografi dhe teatër.
I preferuari i regjisorëve shqiptarë për role pozitive, ai përcolli mjaft dashuri tek artëdashësit.
