Koalicioni i djathtë mbështet propozimin e Moisiut; Opozita të bashkohet me këtë q&
Albeu.com
Partitë e koalicionit të djathtë qeverisës duke deklaruar mbështetjen ndaj propozimit të Presidentit të Republikës, Alfred Moisiu, I kanë bërë thirrje opozitës që të bashkohet me këtë qëndrim që ti japin fund sa më shpejt situatës së ngarkuar paara zgjedhore.Në një deklaratë të përbashkët për shtyp gjatë orëve të mesditës, drejtues të shtatë partive të djathta shprehën qëndrimin e tyre unanim në mbështetje të variantit të propozuar nga Kreu i Shtetit, në bashkëpunim me ndërkombëtarët, për çbllokimin e reformës zgjedhore. Në deklaratën e nënshkruar nga kryetarët e partive të koalicionit theksohet se "mazhoranca në respektim të plotë të Kushtetutës, Kodit Zgjedhor dhe Marrëveshjeve Politike të gushtit dhe dhjetorit 2006, informon edhe njëherë për miratimin e plotë të propozimit të Presidentit të Republikës, i konsultuar nga ekspertë ndërkombëtarë dhe i paraqitur në takimin e datës 9 Janar nga partitë politike parlamentare".

"Në vlerësimin tonë, ky propozim u jep përgjigje shqetësimeve të ngritura dhe garanton standarde për një proces të lirë dhe të ndershëm zgjedhor. Partitë e mazhorancës ftojnë edhe një herë partitë e opozitës të bashkohen me zgjidhjen dhe me këtë t'i japin fund bllokimit të reformës dhe procesit zgjedhor, si dhe të angazhohemi së bashku për proceset integruese të vendit", vazhdon më tej deklarata.

Pak para artikulimit të deklaratës së përbashkët, nënkryetari i PD-së njëkohësisht edhe Kryetar I Grupit Parlamentar Demokrat, Bamir Topi, u shpreh se "sërish, pozicioni kontestues, konstant ka qënë ai i PS-së dhe partive të tjera opozitare. Në këtë frymë, partitë e koalicionit qeverisës kanë qënë vazhdimisht në kontakt dhe bashkëpunim për të gjetur të gjitha mundësitë, për të qënë jo vetëm luajalë me marrëveshjet politike, por dhe fleksibël, me qëllim sinkronizimin e shqetësimit të institucioneve ndërkombëtare dhe Presidentit". start
Shtuar më 10/01/2007, ora 22:22
Tage: arkiv

Shkruani komentin tuaj!
Të fundit nga kjo kategori