KLP zgjedh tetë prokurorët e rinj të SPAK, hapet gara për kryetarin
Këshilli i Lartë i Prokurorisë pritet të emërojë sot tetë emra të prokurorëve të cilët do të jenë pjesë e Prokurorisë së Posaçme, e njohur ndryshe si SPAK.

Javën e kaluar, KLP deklaroi se me emërimin e prokurorëve do të hapë edhe garën për drejtues të kësaj Prokurorie.

Struktura e Posaçme Antikorrupsion është struktura e posaçme që do të hetojë dhe çojë në gjykatë dosjet e korrupsionit dhe krimit të organizuar.

Me ngritjen e SPAK-ut do të shkrihet Gjykata për Krime të Rënda, kompetencat e së cilës do t’u kalojnë gjykatave në rrethe. SPAK dhe Byroja Kombëtare e Hetimit do të jenë struktura të specializuara për hetimin e korrupsionit dhe ligji parashikon se BKH-ja do të jetë në varësi të SPAK-ut, por gjithashtu edhe një njësi që kryen hetime të pavarura.

Anëtarët e Spak

Altin Dumani, prokuror në Prokurorinë e Apelit Tiranë
Arben Kraja, prokuror në Prokurorinë e Përgjithshme
Behar Dibra, prokuror në Prokurorinë e KrimeveRënda
Edvin Kondili, prokuror në Prokurorinë e KrimeveRënda
Elida Celami (Kaçkini) prokurore në Prokurorinë e Tiranës
Ened Nakuçi, prokuror në Prokurorinë e KrimeveRënda
Enkeleda Millonai, prokurore në Prokurorinë e Elbasanit
Klodian Braho, prokuror në Prokurorinë e KrimeveRënda







Shtuar më 25/11/2019, ora 10:15

Shkruani komentin tuaj!
Të fundit nga kjo kategori