KLGJ i tërheq veshin gjyqtarëve për Dajtin: Kanë kryer shkelje të rënda
Pëlqej
25 vite burg për Dritan Dajtin i cili vrau 4 efektivë policie është konsideruar një vendim korruptiv dhe i papranueshëm.

Për këtë cështje ka reaguar edhe KLGJ, e cila në një njoftim tregon se cështja do të trajtohet me përparësi.

Këshilli i Lartë Gjyqësor, njofton opinionin publik, se pranë tij, është depozituar kërkesa e Ministrit të Drejtësisë, në të cilën kërkohet hetimi disiplinor i veprimtarisë së anëtarëve të trupës gjyqësore, që kanë gjykuar çështjen kundër të dënuarit Dritan Dajti, me arsyetimin se këta gjyqtarë, kanë kryer shkelje të rënda profesionale dhe etike që diskreditojnë pozitën dhe figurën e gjyqtarit gjatë ushtrimit të detyrës, shkak mbi të cilin ka kërkuar në vijim edhe marrjen e masës së shkarkimit nga detyra.

Nisur nga kjo kërkesë, Këshilli i Lartë Gjyqësor, informon publikun se kjo çështje do të trajtohet me përparësi, paanshmëri dhe profesionalizëm.

Këshilli do të bëjë vlerësimin e duhur, në përputhje me kuadrin e ri ligjor dhe do të ndërmarrë çdo veprim të nevojshëm në respektim të ligjit”, njofton KLGJ. /albeu.com/
Shtuar më 12/02/2019, ora 22:50
Shkruani komentin tuaj!
Të fundit nga kjo kategori