KLD: Nuk kemi marrë kërkesë për procedim penal për 6 gjyqtarët
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Deklaratat e ministrit të Drejtësisë Nasip Naço se ka dorëzuar në Këshillin e Lartë të Drejtësisë kërkesat për procedimin disiplinor për shtatë gjyqtarë është hedhur poshtë nga ky institucion.

Në një deklaratë për mediat, KLD-ja thekson se në protokollin e këtij institucioni ka ardhur zyrtarisht kërkesa për njërin prej gjyqtarëve dhe kjo kërkesë sipas saj është bërë për procedimin disiplinor, për shkelje të konstatuara pas një kontrolli të ushtruar nga inspektorati i Ministrisë së Drejtësisë.

“Duke marrë shkas nga deklaratat e përsëritura në media të Ministrit të Drejtësisë, të përsëritura edhe ditën e djeshme, ku deklarohet se Ministri ka dërguar në Këshillin e Lartë të drejtësisë kërkesat për procedimin disiplinor për shtatë gjyqtarë, Këshilli dëshiron të sqarojë opinionin publik se: Megjithëse është publikuar në media fillimisht prej më shumë së dy javë më parë (konkretisht që në datë 19 nëntor), asnjë nga procedimet e cituara nuk ka arritur zyrtarisht në protokollin e KLD deri ditën e djeshme kur, vetëm një nga kërkesat e deklaruara nga Ministri i Drejtësisë për procedim disiplinor është regjistruar” thuhet në njoftimin e KLD-së.

KLD sqaron gjithashtu se është ende në pritje që Ministri të sjellë në Këshill propozimet për procedimet disiplinore të 14 gjyqtarëve, të cilët janë konstatuar me shkelje pas kontrolleve të ushtruara nga inspektorati i KLD.

“Këto procedime janë dërguar në Ministrinë e Drejtësisë, sipas parashikimeve ligjore, që prej muajit qershor të këtij viti. Së fundmi, duke besuar se bashkëpunimi institucional është një nga elementët kryesorë për arritjen e qëllimeve të përbashkëta për kontrollin objektiv dhe shëndoshjen e sistemit gjyqësor, Këshilli i Lartë i Drejtësisë e konsideron aspak serioze që ai të vihet në dijeni për fatin e kërkesave për procedim disiplinor ndaj gjyqtarëve nëpërmjet mediave dhe jo në rrugë institucionale, sikundër ligji parashikon” përfundon njoftimi i KLD-së. /albeu.com/
Shtuar më 06/12/2013, ora 10:27
Shkruani komentin tuaj!
Të fundit nga kjo kategori
 
Taulant dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Taulant dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian