Klandestinë drejt SHBA, Kanadasë dhe Anglisë: Mes të arrestuarve edhe dy policë
16 persona janë arrestuar me urdhër të SPAK lidhur me operacionin e zhvilluar mbrëmjen e djeshme nga Policia e Shtetit në të gjithë vendin, lidhur me kalimet e paligjshme nga Shqipëria drejt vendeve të BE-së.

Dy prej të ndaluarve janë punonjës policie, ndërsa më herët në aeroportin e Rinasit si pjesë e këtij grupi është proceduar dhe hetuar edhe një punonjës i Check-in dhe për disa punonjës të tjerë nisën verifikimet.

Ndërkohë që të paktën 10 persona të tjerë do të hetohen në liri.

Të arrestuarit akuzohen se anë pjesë e një grupi të struktural kriminal që dërgonin klandestinë nga vendi ynë në drejtim të Anglisë, SHBA-së dhe Kanadasë, me viza e dokumente false kundrejt shumave të konsiderueshme të parave.

Hetimi është kryer në bashkëpunim me homologë të huaj, pasi personat që kalonin klandestinë në vendet e tjera përdornin dokumentet false.

Shtuar më 19/05/2020, ora 09:27

Shkruani komentin tuaj!
Të fundit nga kjo kategori