Kishin 10 sirianë klandestinë në autobuz, kapet shoferi dhe faturino në Lezhë
Pas një 44 vjeçari që u arrestua në Lezhë pasi kishte në makinë 4 marokenë klandestinë, janë arrestuar edhe dy shtetas të tjerë sërish për këtë arsye.

Shoferi dhe fatorino i autobusit në Lezhë po transportonin 13 shtetas sirianë të cilët ishin në mënyrë klandestine në Shqipëri.

Policia e Lezhës ka proceduar penalisht 2 shtetas, të cilët po transportonin me autobus 13 shtetas sirian që kishin hyrë në Republikën e Shqipërisë në mënyrë të paligjshme.

Specialistët e Seksionit për Hetimin e Trafiqeve të Paligjshme në Drejtorinë Vendore të Policisë Lezhë referuan materialet hetimore në Prokurorinë e Rrethit Gjyqësor Lezhë për shtetasit B. E., 58 vjeç, banues në Tiranë, drejtuesi i autobusit ku udhëtonin shtetasit e huaj dhe B. B., 34 vjeç, banues në Kukës, faturino i autobusit.

Këta shtetas, në aksin rrugor Mamurras-Lezhë, në vendin e quajtur “Mbikalimi i Laçit” janë kapur nga shërbimet e Policisë Rrugore, me automjetin autobus të linjës Tiranë-Kukës, duke transportuar 13 shtetas të huaj sirian dhe maroken që kishin hyrë në Republikën e Shqipërisë në mënyrë të paligjshme.

Materialet procedurale i kaluan Prokurorisë pranë Gjykatës së Shkallës së Parë Lezhë, për veprime të mëtejshme hetimore, për veprën penale “Ndihma për kalim të paligjshëm të kufirit”. /albeu.com/

Shtuar më 08/02/2020, ora 13:46

Shkruani komentin tuaj!
Të fundit nga kjo kategori