Ki Moon e Solana: UNMIK 1/5 e pergjegjesive ne institucionet kosovare
Albeu.com
Nje deklarate e tille erdhi nga Sekretari i Përgjithshëm i OKB-së, Ban Ki Mun dhe shefi i diplomacisë evropiane Havier Solana, gjatë takimit të tyre në Stokholm.UNMIK-u duhet të transferoje shumicën e përgjegjësive tek institucionet e Kosovës deri më 15 qershor, kur pritet të hyjë në fuqi Kushtetuta e Kosovës. Nje deklarate e tille erdhi nga Sekretari i Përgjithshëm i OKB-së, Ban Ki Mun dhe shefi i diplomacisë evropiane Havier Solana, gjatë takimit të tyre perpara konferencës ndërkombëtare për Irakun, që u mbajt në Stokholm. Deri më 15 qershor Sekretari i Përgjithshëm i OKB-së, Ban Ki Mun, mund të japë një pasqyrë të qartë për misionin e UNMIK-ut në Kosovë. Sekretari Ban Ki Mun ka biseduar me shefin e diplomacisë evropiane Havier Solana për gjetjen e modaliteteve për funksionimin e dy misioneve ndërkombëtare në Kosovë: UNMIK-ut dhe EULEX-it.
Ata janë pajtuar që misioni i UNMIK-ut duhet të transferoje një pjesë të konsiderueshme të kompetencave tek qeveria dhe Kuvendi, deri më 15 qershor, kur hyn në fuqi Kushtetuta e Kosovës.
Por, udhëheqësit e institucioneve të Kosovës thonë se mirëpresin vetëm misionin e BE në Kosovë, ashtu siç është parashikuar edhe me pakon e Ahtisaarit. Presidenti Fatmir Sejdiu ka deklaruar se mandati i UNMIK-ut duhet të përfundojë ndaj për këtë çështje, presidenti Sejdiu pret një qartësim të shpejtë nga Kombet e Bashkuara dhe Bashkimi Evropian.
Edhe opozita dhe analistë të ndryshëm në Kosovë kanë thënë se UNMIK-u duhet të përfundojë misionin e tij. Ndërkaq, shefi i UNMIK-ut Joakim Ryker ka pranuar se me 15 qershor do të jenë rrethana të reja. Ai ka bërë të ditur se vetëm OSBE-ja do të vazhdojë të jetë nën ombrellën e misionit të rikonfiguruar të UNMIK-ut. Ryker ka thënë se çështje e hapur është sektori i sundimit të ligjit, për të cilin ende nuk dihet se si do të ndërlidhet me misionin e EULEX-it. (news24)
Shtuar më 30/05/2008, ora 21:46
Tage: arkiv
Shkruani komentin tuaj!
Të fundit nga kjo kategori