Detaje të reja bëhen me dije nga zhdukja misterioze e biznesmeni Davide Pecorelli pak ditë më parë në Shqipëri.

Pecorelli kishte menduar të kthehej në Itali në datën 10 janar, por kjo nuk ndodhi dhe tani, familja dhe policia e dy shteteve është duke u munduar të zbardhë ngjarjen misterioze.

Ndërkohë është zbuluar dhe mesazhi i fundit që biznesmeni i ka dërguar një miku të tij para se të zhdukej pa gjurmë.

Në tekstin që ai ka shkruar, Davide i tregon shokut për biznesin që po hapte në Shqipëri.

“Kam hapur shoë room në një qendër tregtare. Deri në datën 6 këtu është luftë. Kam prenotuar kthimin në datën 10 janar”, është teksti i mesazhit të fundit të biznesmenit.

Përveç hetimeve që po zhvillohen në Shqipëri, mediat fqinje shkruajnë se për zhdukjen e 45-vjeçarit hetime ka hapur edhe Prokuroria e Peruggias.

Po sipas mediave italiane, një prej punonjëseve të Pecorelli-t i ka rënë numrit të telefonit dhe zilja mësohet se ka rënë disa herë, por askush nuk është përgjigjur.

Ndërkohë rezultatet e ADN-së të kockave të gjetura brenda makinës së djegur dhe sendeve të Davide Pecorelli-t mund të hedhin dritë për fatin e sipërmarrësit italian, të zhdukur në Shqipëri më 6 janar.

Hera e fundit që ai është futur në WhatsApp është data 6 Janar, në orën 16:12, që është edhe dita kur ai humbi gjurmët.

Personi i parë që bëri denoncim për zhdukjen e Pecorellit, në komisariatin e Citta di Castello ishte ish-gruaja e 45-vjeçarit, e cila është shprehur se ai çdo ditë kontaktonte, pasi fliste me fëmijët.