Këshilli i Mandateve miratoi kërkesën e Prokurorisë për arrestimin e dytë të Mark Frrokut
Këshilli i Mandateve ka dhënë lejen për arrestimin e dytë për Mark Frrokun, i cili mohoi të ketë kryer vrasje në jetën e tij, transmeton Albeu.com.

Frroku mbërriti në Kryesinë e Kuvendit i shoqëruar nga forcat e policisë.

Mbledhja, e cila u drejtua nga kreu i Kuvendit Ilir Meta, u shoqërua me debate të forta, të cilat fillimisht nisën nga kërkesa e demokratëve që kryeparlamentaritë tërhiqet nga kryesimi i Këshillit, për shkak të konflikit të interesit.

Debate të nxehta u zhilluan edhe për kohën kur autoritetet belge kanë nxjerrë urdhërarrestin dhe kur reaguan atuoritetet shqiptare.

Për 90 minuta, Mark Frroku mori vetëm 2 herë fjalën dhe mbrojtjen e tij ia besoi avokatëve. Më pas ai la ambientet e Kryesisë, për tu rikthyer në banesën që qëndron i izoluar në arrest shtëpie.

Në fund, Këshilli për Rregulloren, Mandatet dhe Imunitetin vendosi miratimin me konsensus të kërkesës së Prokurorisë së Përgjithshme për ta kaluar diten e enjte në seancë plenare. /albeu.com/
Shtuar më 31/03/2015, ora 19:05

Shkruani komentin tuaj!
Të fundit nga kjo kategori