KE diskuton per Shqiperine, pritet te miratohet rezoluta
Albeu.com
Është mbledhur në Strasburg Këshilli i Evropës, kur po diskuton për një rezolutë për Shqipërinë. Rezoluta është hartuar nga Jako Lakso dhe David Wilshire, një pjesë e së cilës është publikuar disa ditë më parë.
"Ajo çfarë ndodhi sot në Komisionin e Monitorimit është që dëgjuam një përfaqësues të maxhorancës e përfaqësuesin e opozitës për të parë më qartë këtë situatë që është paksa e komplikuar", u shpreh Jean-Claude Mignon, zëvendëspresident i Asamblesë.

Edhe në KE, të majtët dhe të djathtët kanë qëndrime të ndryshme për sa i përket situatës politike në vendin tonë, por megjithatë të gjithë bashkohen në një pikë, ku opozita dhe pozita duhet të gjejnë një kompromis dhe Partia Socialiste të braktis bojkotin.

"Sot duhet që partitë politike në Shqipëri të sillen si qenie të përgjegjshme qe ta drejtojnë më mirë vendin, që ta rindërtojnë atë, për të dëshmuar që nuk ka një krizë, por thjesht probleme kontestimi, që maxhoranca dhe opozita apo opozita e maxhoranca , brenda në Parlament sillen me maturi për të bërë punën që populli shqiptar u ka kërkuar që ta bëjnë. Unë jam pro mendimit qe Komisioni i Monitorimit te ndjeke nga afër situatën atje për të parë nëse Shqipëria i respekton angazhimet e saj qe kontraktuan ditën e anëtarësimit ne Këshillin e Evropës. Politika e "karriges bosh" nuk është e mirë dhe besoj se për shkak te ndryshimeve pozitive qe kane ndodhur gjate dekadës se fundit në Shqipëri, opozita duhet të kuptojë se duhet të respektohen rregullat, tha deputeti i së djathtës franceze Jean-Claude Mignon. (start)
Shtuar më 28/01/2010, ora 23:10
Tage: arkiv

Shkruani komentin tuaj!
Të fundit nga kjo kategori