Kapet i "forti" i Gjirokastrës, thesari që iu gjet në Tavanin e shtëpisë (VIDEO)
Policia e Gjirokastrës në bashkëpunim me "Shqiponjat", ka finalizuar operacionin policor i koduar "Arsenali".

U arrestua në flagrancë shtetasi I. I., 63 vjeç, banues në Gjirokastër si dhe u sekuestruan armë zjarri dhe municione.

Gjatë kontrollit të ushtruar në banesën e tij, në lagjen Cfakë, Policia gjeti të fshehura në tavan dhe në një vend të përshtatur poshtë dyshemesë, një arsenal armësh, konkretisht: 4 armë zjarri të modifikuara me silenciator, 1 pistoletë shenjëdhënëse, 1000 fishekë, 8 krehra, 2 gjerdanë me 35 fishekë të armëvegjahut, 1 aparat metalkërkues, 5 metër fitil zjarrëpërcjellës dhe mjete me të cilat kryente mbushjen e fishekëve të armëvegjahut, të cilat u sekuestruan në cilësinë e provave materiale.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Shtuar më 05/06/2020, ora 08:41

Shkruani komentin tuaj!
Të fundit nga kjo kategori