Kapet i dënuari, destinacioni Italia
Pëlqej
Një i ri i cili ishte shpallur në kërkim prej vitit 2013, është kapur nga ana e policisë. Në pranga ka përfunduar 22 vjeçari Darjel Prushi, banues në Larushk të Fushë-Krujës, i dënuar më parë.

I riu po tentonte të udhëtonte me traget drejt Italisë. 22 vjeçari ishte shpallur në kërkim në datën 5 maj të vitit 2013, për veprën penale “Largim i të burgosurit, nga vendi i vuajtjes së dënimit”.

Gjatë një kontrolli të ushtruar për verifikimin e vendodhjes së tij, nuk u gjet në banesë, duke shkelur kështu masën e sigurisë “Arrest shtëpie", dhënë nga Gjykata e Tiranës për veprën penale “Vjedhje”. /albeu.com/
Shtuar më 15/09/2014, ora 15:47
Shkruani komentin tuaj!
Të fundit nga kjo kategori