Kapet dyshja në Morinë, tentuan të kalonin jashtë mijëra franga zvicerane
Policia e Kukësit, në bashkëpunim atë Kufitare në Morinë, parandaluan dhe goditën një rast të tentativës për transfertë të paligjshme të parave.

U arrestuan B. F., 35 vjeç, banues në Kavajë dhe R. B., 27 vjeçe, banuese në Ndroq, Tiranë të cilët akuzohen për veprat penale "Pastrimi i produkteve të veprës penale ose veprimtarisë kriminale" dhe "Mosdeklarimi në kufi i të hollave dhe i sendeve me vlerë".

Gjatë kontrollit të ushtruar, në vijën e dytë brenda mjetit tip "Benz", me drejtues shtetasin B. F. shërbimet e Policisë gjetën në çantën personale të shtetases R. B., pasagjere, 77160 franga zvicerane të padeklaruara nga ana e e tyre, të cilat u sekuestruan në cilësinë e provës materiale.

Materialet hetimore u referuan në Prokurorinë pranë Gjykatës së Shkallës së Parë Kukës, për veprime të mëtejshme.
Shtuar më 05/07/2020, ora 19:33

Shkruani komentin tuaj!
Të fundit nga kjo kategori