Kapet drogë çokollatë në Vlorë, kapet i riu në Vlorë
Një sasi droge çokollatë është sekuestruar gjatë natës së djeshme në Vlorë.

Burime zyrtare nga Policia e Vlorës, kanë bërë të ditur se pas informacioneve në rrugë operative është vënë në pranga 33-vjeçari Ervin R., nga Grabiani i Vlorës.

Njoftimi i Policisë së Vlorës për rastin:

Posedonte në banesë armë gjahu pa leje, arrestohet në flagrancë nga Policia.

Strukturat Policore të Seksionit për Hetimin e Trafiqeve dhe Narkotikëve në Drejtorinë Vendore të Policisë Vlorë, në bazë të disa informacioneve të siguruara në rrugë operative kanë zhvilluar dhe finalizuar operacionin e koduar ‘Fast’.

Si rezultat u arrestua në flagrancë shtetasi:

Ervin R., 33 vjeç, banues në Grabian, Vlorë.

Shtetasit të mësipërm iu gjet dhe iu sekuestrua në banesën e tij në fshatin Grabian, 1 armë gjahu pa leje dhe 245 gramë kanabis në formë çokollate.

Materialet hetimore iu referuan Prokurorisë së Rrethit Gjyqësor Vlorë, për veprat penale ‘Prodhimi, mbajtja pa leje e armëve të gjuetisë dhe sportive’, dhe ‘Prodhim, shitja e narkotikëve’, parashikuar nga nenet 280 dhe 283/1 të Kodit Penal. /albeu.com/
Shtuar më 02/08/2018, ora 09:16
Shkruani komentin tuaj!
Të fundit nga kjo kategori