Kapen 250 kg drogë në portin e Vlorës
Pëlqej
Sekuestrohen 250 kilogramë drogë në një kamion në portin e Vlorës.
Burime zyrtare të policisë së shtetit thanë se droga u gjet në një kamion me targa të Tiranës. Ngarkesa e hashashit është sekuestruar nga policia e Vlorës.
Ngarkesa me lëndë narkotike, u zbulua gjatë procedurave të kontrollit kufitar. Policia tha se ka shoqëruar shtetasin Bektashi Kalaj, drejtues i kamionit në të cilin u gjet droga.

Sipas informacioneve të fundit, lënda narkotike ishte fshehur në kamionin me targa TR 6932 T.

Destinacioni i drogës dyshohet se ka qenë Italia ndërkohë që policia filloi menjëherë hetimet rreth personave të implikuar në këtë rast.
Shtuar më 12/11/2010, ora 16:16
Shkruani komentin tuaj!
Të fundit nga kjo kategori