Kanosën babain dhe 1 grua, ndalohen 5 persona në Tiranë
Gjatë orëve të fundit në kryeqytet, janë ndaluar 5 shtetas për vepra të ndryshme penale.

Strukturat e D.V.P.Tiranë në vijim të punës për evidentimin, parandalimin dhe goditjen e paligjshmërisë, gjatë orëve të fundit kanë bërë arrestimin në flagrancë të 5 shtetasve për vepra të ndryshme penale, konkretisht:

Nga Seksioni për Hetimin e Narkotikëve në bashkëpunim me Komisariatin e Policisë Nr.2, u bë ndalimi në flagrancë për veprën penale “Prodhim dhe shitje lëndësh narkotike e kryer në bashkëpunim” i shtetasve:

– E. A., 26 vjeç, banues në Tiranë;

– E. N., 26 vjeç, banues në Tiranë.

Tek “Pallati me Shigjeta” gjatë kontrollit fizik të ushtruar nga shërbimet e policisë shtetasve E. A., dhe E. N., i’u gjetën e bllokuan në cilësinë e provës materiale 17.6 gramë lëndë e dyshuar narkotike Kanabisi.

Nga Komisariati i Policisë Nr.2 u bë ndalimi në flagrancë për veprat penale “Dhunim banese”, “Shkatërrim prone” dhe “Prodhim dhe shitje lëndësh narkotike“, i shtetasit:

– Xh. P., 23 vjeç, banues në Tiranë.

Në rrugën “Tish Daija” ky shtetas është futur me dhunë në banesën e shtetases F. D., dhe i ka dëmtuar orenditë shtëpiake. Gjatë kontrollit fizik të ushtruar nga shërbimet e Policisë këtij shtetasi i është gjetur dhe një sasi lënde e dyshuar narkotike Kanabisi.

Nga shërbimet e Policisë të Komisariatit Nr.3 u bë arrestimi në flagrancë për veprën penale “Dhunë në familje”, i shtetasit:

– F. L., 31 vjeç, banues në Tiranë (i dënuar më parë për “Mbajtje pa leje të armëve dhe municionit luftarak” dhe “Dhunë në familje”).

Ky shtetas në banesë ka kanosur dhe ka ushtruar dhunë fizike e psikologjike ndaj babait, shtetasit T. L.

Nga shërbimet e Policisë të Komisariatit Vorë u bë arrestimi në flagrancë për veprën penale “Dhunë në familje”, i shtetasit:

– S. L., 35 vjeç, banues në Vorë

Ky shtetas në banesë ka ushtruar dhunë fizike dhe psikologjike ndaj bashkëshortes dhe nënës së tij, shtetasve M. L., dhe T. H., të cilave iu plotësua urdhëri i menjëhershëm i mbrojtes.

Materialet iu referuan për veprime të mëtejshme Prokurorisë së Rrethit Gjyqësor Tiranë.
Shtuar më 17/09/2019, ora 13:38
Shkruani komentin tuaj!
Të fundit nga kjo kategori