Kandidati për Këlcyrën: Nëse me votoni do të sjell 20 prostituta të huaja që të kënaqeni
I njohur për shprehjen “I rëntë kanceri në grykë atyre që s’më votojnë”, kur kandidoi në 2001-shin për deputet, Hasbi Kasa ka vendosur të kandidojë sërish, këtë herë për bashkinë e Këlcyrës.

Teksa premton legalizimin e hashashit dhe prostitucionin, Hasbi Kasa ka edhe një mallkim për ata që nuk do ta votojnë: Iu thaftë krahu e mendja, e mbetshin të ngrirë në jetën e tyre!

“Jam alternativa dhe zgjidhja e të gjitha problemeve që mund të kenë njerëzit. Nuk është faji im që nuk fitoj, është faji i tyre që nuk hedhin votën. Nuk heq njeri nga puna, vetëm pozicione puna do bëj lëvizje, unë do të shtoj edhe 2-3 mijë të tjerë të vijnë. Ka punë për të gjithë në bashki. Dua të bëhem kryetar që të fus njerëzit në punë dhe njerëzit nëpërmjet punës jetojnë më mirë. Unë kandidoj për herë të parafundit.

Unë i bëj thirrje, se populli, nëse nuk e vendos votën tek emri im, ata do jenë gjithmonë të varfër. Për herë të parë do t’i propozoj kryeministrit që të legalizohet prostitucioni në Shqipëri. Është një biznes shumë fitimprurës. Bashkia e Këlcyrës, duke e hapur e para në Shqipëri, do vijën autobusët nga Tirana, nga Durrësi.

Kam menduar një shtëpi publike me 20 dhoma me femra nga 20 shtete të botës. Vendoseni plusin tek emri i Hasbi Kasën se do t’u shtohet jeta, nëse nuk do ta vënë, t’u thahet krahu dhe iu thaftë edhe mendja dhe mbetshin të ngrirë”, thotë ai./tch
Shtuar më 27/05/2019, ora 20:56
Shkruani komentin tuaj!
Të fundit nga kjo kategori