Një efektive e Policisë Rrugore në kryeqytet është goditur nga një mjet i tonazhit të rëndë.

Efektivja mësohet se është Arta Shurbi rreth 40-vjeçe, e cila është dërguar në spitalin e Traumës e shoqëruar nga kolegët e saj me 3 makina të Policisë Rrugore.

Mësohet se efektivja ndodhet jashtë rrezikut për jetën.

Njoftimi i policisë
Tiranë/Informacion

Më datë 15.01.2021, rreth orës 12:55, tek Cassa Italia, mjeti me drejtues K. V, ka aksidentuar  punonjësen e policisë të qarkullimit rrugor shtetasen  A. Sh, aktualisht në shërbim, e cila u dërgua në spital dhe ndodhet jashtë rrezikut për jetën.

Grupi hetimor dhe sherbimet e Policisë  vijon punën për sqarimin e rrethanave të aksidentit.