Detaje të reja n dalin nga dosja e SPAK, që çoi në pranga biznesmenin Pëllumb Gjoka, ish-drejtorin e Forcave Operacionale, Oltion Bistri, prokurorin Xhevahir Lita dhe ish-shefi i Krimit të Organizuar në policinë e Shkodrës, Ardit Hasanbega.
Burime bëjnë me dije se Oltion Bistrit, sipas dosjes së SPAK, i janë zbuluar komunikime me Ervis Martinajn. Ish-drejtori i Lezhës dhe Durrësit i jepte Martinajt informacione, edhe për aksionet që bëheshin për kapjen e tij.
Ndërkohë për sa i përket vrasjes së Gjin Ndojt rezulton se Pëllumb Gjoka ka komunikuar me Ardit Hasanbegaj duke e pyetur nëse ka prova.
Pëllumb Gjoka: Çfarë ishte ajo që ndodhi mbrëmë?
Arditi: Ja po hetojmë…
Pëllumb Gjoka: keni gjetur prova.?
Arditi: po disa, të vogla…
Pëllumb Gjoka: lëre mos u merr më me të.
Ndërkohë për sa i përket Prokurorit të Kukësit, mësohet se pikërisht Pëllumb Gjoka komunikonte me të.
Ndërsa prokurori Xhevahir Lita ndërhynte në proceset ndaj Bajrajve duke u pushuar akuzat apo mbyllur hetimet por duke ndërhyrë edhe tek procese të tjera që nuk i kishte vetë./Panorama TV/
