Presidenti rus Vladimir Putin është shprehur se gjithçka që po ndodh në Ukrainë është një tragjedi.
Lajmin e bëri të ditur agjencia e lajmeve Tass.
Sipas Putin, vendi i tij “nuk kishte zgjidhje” tjetër përveçse të niste atë që ai e quan një operacion ushtarak special, sipas BBC.
Putin gjithashtu vlerësoi objektivat ushtarake të Rusisë në Ukrainë duke i cilësuar fisnike.
“Qëllimet e ushtrisë ruse janë absolutisht të qarta dhe fisnike. Nga njëra anë, ne po ndihmojmë dhe po shpëtojmë njerëzit, dhe nga ana tjetër, thjesht po marrim masa për të garantuar sigurinë e vetë Rusisë. Është e qartë se ne nuk kishim zgjidhje. Ishte vendimi i duhur“, tha Putin./albeu.com/
