"Ju nuk jeni të varfër, jeni të vjedhur", Basha takon lushnjarët
Kryetari i Parisë Demokratike, Lulzim Basha edhe ditën e sotme ka vazhduar takimet me popullin për ti ftuar në protestën e 16 shkurtit në Tiranë.

Sot Basha ka vizituar qyetetin e Lushnjes ku tha se qytetarët nuk janë të varfër por të vjedhur dhe shtoi se kjo gjendje duhet të marrë fund.

"Sa herë që vizitoj rrugët kryesore, bizneset i gjej të mbyllura, gjysmën tjetër e gjej bosh. Ju i mbyllni bizneset për shkak të taksave të larta, energjisë, naftës me çmim të lartë.
Me uljen e çmimit të energjisë, naftës do të ndihmojmë biznesin të hapë e mos mbyllë vende pune. Këtu janë mbyllur 19 shkolla, tani do mbyllin edhe spitalin. Po e heqin Lushnjen nga lista e qyteteve. Kjo është një gjendje që duhet të marrë fund, ne do bëjmë që biznesi i vogël të mos ulë qepenat. Nuk jeni të varfër, jëni të vjedhur. Zgjidhjet për bizneset ne i kemi prenztuar. Por duhet qe me 16 shkurt duhet të marrin në dorë fatin tonë. Me 16 shkurt ju mirëpres në Tiranë.

Basha tha gjithashtu se një biznes me nën 140 milionë lekë të vjetra xhiro do të konsiderohet biznes i vogël ndërkohë i premtoi qytetarëve lushnjarë tha se taksat e tyre nën qeverisjen demokrate do të shkojnë vetëm për investimet lokale.

Pensionet janë turpi i shtetit. 40 milion euro i marrin vetëm tre oligarkë. Ne do t'i rrisim pensionet tuaja. Një biznes me nën 140 milionë lekë të vjetra xhiro do të konsiderohet biznes i vogël. Taksat tuaja do të shkojnë vetëm për investimet e pushtetit lokal. Nafta dhe benzina do të jenë 300 lekë më të lira. Ky vend është i vjedhur sepse vidhen taksat, burimet, pasuritë dhe drejtësi./albeu.com/
Shtuar më 11/02/2019, ora 16:40
Shkruani komentin tuaj!
Të fundit nga kjo kategori