Ju mbaron pasaporta në fundvit, kështu duhet të veproni
Ministri i Brendshëm, Sandër Lleshaj ka dhënë ditën e sotme një njoftim të rëndësishëm për të gjithë ata persona pasaporta e të cilëve përfundon në fund të këtij viti.

Ai tha se nga muaji tetor nëse dikush që i skadon kartadhjetor nuk do mund të udhëtojë pa pasur me veten edhe pasaportën që skadon por vetëm një dokument që vërteton se ka aplikuar për një pasaportë të re.

Ndërkohë kujtojmë që përfundojnë në fund të këtij viti kalendark rreth 1 milionë pashaporta dhe karta identiteti.

Në fjalën e tij Lleshaj u ka bërë gjithashtu thirrje të gjithë qytetarëve të nixitojnë për të aplikuar duke mos krijuar kështu rradhë të gjata pritje e duke iu lehtesuar punënë vetes.

Fjala e Lleshaj:

"Janë mbi 1 milion karta identiteti dhe pasaporta qytetarësh, të cilët mbarojnë afatin e vlefshmërisë këtë vit. Dhe është me rëndësi të madhe që qytetarët të shfrytëzojnë kohën për të aplikuar, sa nuk është vonë për të mos e lënë që në fund të vitit të mblidhen e të shtohen radhët dhe të krijojmë situata të panevojshme.

Për fat të keq konstatojmë që ende flukset e aplikimit nuk janë ato që duhet, sepse ne përgjithësisht ne tentojmë t’i lëmë gjërat për në sekondën e fundit. Por gjej rastin edhe njëherë t’i ftoj të gjithë qytetarët të aplikojnë për t’u pajisur me kartën e identitetit dhe pasaportën biometrike, ende sa ka kohë, sa sportelet janë të lira për arsye se shumë shpejt ne do të ndërmarrim masa shtesë që do të thotë, ne do t’i kushtëzojmë përdorimin e dokumenteve aktualë, megjithëse janë ende në fuqi, me aplikimin.

Do të thotë që në një periudhë të caktuar, e cila do të shpallet, besoj nga muaji tetor, nëse dikush do të tentojë të udhëtojë jashtë shtetit me një pasaportë, të cilës i mbaron afati në dhjetor, nuk do të mund të udhëtojë pa pasur bashkë me pasaportën që skadon, edhe një dokument që vërteton që ai e ka bërë aplikimin për pasaportën e re.

Po kështu shërbimet që lidhen me kartën e identitetit, nuk do të ofrohen nëse karta nuk shoqërohet me një dokument që provon se qytetari e ka bërë aplikimin për të renë. E gjitha kjo bëhet për t’i kujtuar qytetarët që 31 dhjetori është afati i fundit, por nuk mund të prodhohen të gjitha kartat në datën 31 dhjetor! Do të duhet që gjithë kjo kohë, përpara datës 31 dhjetor të shfrytëzohet nga çdo qytetar në mënyrë që të evitojmë radhët, stresin dhe të gjitha problemet që lidhen me këtë çështje".
Shtuar më 16/07/2019, ora 17:20
Shkruani komentin tuaj!
Të fundit nga kjo kategori