Twitter ka pezulluar llogarinë e ish-deputetit demokrat, Genc Pollo.

Lajmin e ka bërë të ditur vetë Pollo, i cili zbulon se bllokimi i tij në rrjetin social ka ndodhur pasi postoi një foto të Lungomares në Vlorë të përmbytur nga uji.

Arsyeja që Twitter i ka dhënë për mbylljen e llogarisë lidhet me postimin e mediave që përshkruajnë dhunë seksuale, gjë e cila nuk është e vërtetë sipas ish-deputetit.

"Postova një video të lungomares së përmbytur, me mbivendosjen e zërit të Ramës kur e inaguroi", shprehet Pollo, duke thënë se ka mbi një javë që s’po arrin të rimarrë aksesin në profilin e tij.

"Llogaria juaj @gencpollo është kyçur për shkelje të rregullave të Twitter. Veçanërisht për postimin e mediave që përshkruajnë dhunë seksuale dhe / ose sulm… Vazhdoni në Twitter për të rregulluar problemin me llogarinë tuaj", ishte njoftimi që Pollo thotë se mori më pas.