Jo regjistrim sipas fesë dhe etnisë
Profesorët dhe studiuesit e huaj të mbledhur në Tiranë në simpoziumin ndërkombëtarë te harmonisë ndërfetare shprehen kundër regjistrimit të popullsisë mbi baza etnika dhe fetare.

Mustafa Oscan, anëtari i Këshillit të Lartë në Universitetin Fatih, tha se të gjithë duhet të respektojnë personin, mendimin dhe besimin e tij. “Unë s’i di detajet e kësaj çështjeje, se çfarë qëllimesh fshihen pas saj, por siç e thashë, besimi i intereson vetëm personit dhe askujt tjetër. Feja është e drejtuar nga besimi dhe është mes njeriut dhe Zotit. Nuk i di prapaskenat, ndaj s’mund të them më shumë se kaq”, ka deklaruar Ozcan.

Ndërsa Prof. Dr. Paul Weller tha se kjo gjë ka ndodhur para 10 vjetësh në Angli dhe duhet pasur shumë kujdes me keqkuptimet dhe keqpërdorimet.

“Nuk e di mirë cështjen këtu, por mund të them që ky debat është bërë edhe tek ne para 10 vjetësh. Çfarëdo që të bëhet duhet të ketë shumë kujdes, që përgjigjet të mos keqkuptohen dhe të keqpërdoren. Ka një rrezik, që kur të merret përgjigjia, mund të sjellë konkurrencë mes grupimeve fetare dhe kjo është arsyeja që shumë vende s’e bëjnë këtë pyetje. Nëse bëhet, duhet të bëhet me kujdes që të mos keqpërdoret. Aq më tepër në Shqipëri që ka martesa të përziera mes feve të ndryshme. Por ndonjëherë jeta është më e ndërlikuar se të japësh një përgjigje dhe duhen bërë pyetje te detajuara”, ka deklaruar Weller. /albeu.com/
Shtuar më 25/03/2011, ora 17:58

Shkruani komentin tuaj!
Të fundit nga kjo kategori