Jeremic: Plotesoni kushtet tona, perndryshe nuk pranojme raportin
Pëlqej
Albeu.com
Shefi i diplomacisë serbe Vuk Jeremiç deklaroi për radion B92, se Beogradi nuk do të përkrahë raportin e sekretarit të përgjithshëm të OKB-së, nëse ai raport nuk ngërthen të gjitha kushtet që i ka kërkuar Serbia.Jeremiç ka shtuar se, “nuk duhet kushtuar vëmendje deklaratave të ndryshme të zyrtarëve evropianë për arritjen e marrëveshjes me Beogradin për vendosjen e EULEX-it në Kosovë”, por, sipas tij, “është me rëndësi përmbajtja e raportit të sekretarit të përgjithshëm të Kombeve të Bashkuara, Ban Ki-Moon”.

Sipas shefit të diplomacisë serbe, “për rikonfigurimin e UNMIK-ut, zyrtarët e Serbisë kanë biseduar kryesisht më përfaqësuesit e OKB-së”.

Të martën, në mbledhjen e Këshillit të Sigurimit, sekretari i përgjithshëm i OKB-së, Ban Ki-Moon, do të prezantojë raportin, për të cilin - sipas Jeremiçit - “ekziston pajtimi parimor se si duhet të duket ai”.

Ai po ashtu ka thënë se nëse nuk përfshihen kushtet e Serbisë në raportin e sekretarit Ki-Moon, atëherë Serbia do t’i thotë jo raportit, dhe nuk do të ketë “vendosje të ligjshme të EULEX-it në Kosovë” – ndërsa nëse ndodhë e kundërta, atëherë sipas tij, "pro këtij raporti do të jetë edhe Rusia dhe ai do të miratohet".
Shtuar më 10/11/2008, ora 01:00
Tage: arkiv
Shkruani komentin tuaj!
Të fundit nga kjo kategori