Ja renditja e fituesve të Shkollës së Policisë
Publikohet lista me 1 mijë fituesit e Shkollës Bazë të Policisë “Për Patrullë të Përgjithshme”.

Në njoftimin e Policisë së Shtetit thuhet se në vijim të procesit të përzgjedhjes së kandidatëve për Shkollën Bazë të Policisë “Për Patrullë të Përgjithshme” nga data 21 Maj deri me datë 03 Qershor pranë Qendrës së Formimit Policor u zhvillua Intervista me gojë e aplikantëve, në të cilën morën pjesë 2287 aplikantë, prej tyre, 22 aplikantë janë fëmijë të punonjësve të policisë të rënë në krye të detyrës, të cilët në bazë të Vendimit të Këshillit të Ministrave nr.156, datë 19.03.2014 ju nënshtruan fazës së intervistës me gojë dhe do të vazhdojnë procedurat e tjera të testimit e më tej në bazë të rezultateve do të bëhen pjesë e grupit të parë në Shkollën Bazë të Policisë.

Ndërsa, 2265 aplikantë pas përfundimit të fazave të mëparshme ju nënshtruan procesit të intervistës me gojë. Në këtë proces morën pjesë 1774 meshkuj dhe 513 femra.



Kuota e pranimit për Shkollën Bazë të Policisë për Patrullë të Përgjithshme është 1000 kandidatë, të ndarë sipas gjinisë 500 femra dhe 500 meshkuj, të cilët do të ndjekin studimet të ndarë në dy grupe prej 500 kandidatësh, 250 femra dhe 250 meshkuj.

Për përzgjedhjen e kursantëve që do të ndjekin Shkollën Bazë të Policisë, sipas procedurave të përcaktuara, do të kryhet procesi i kontrollit mjekësor të kandidatëve pranë Sektorit të Profilaksisë dhe Mjekimit të Policisë së Shtetit, e cila ndodhet në Qendrën e Formimit Policor. Po ashtu kandidatët do t’i nënshtrohen procesit të marrjes së gjurmëve të gishtave, si dhe procesit të verifikimit të të dhënave të kandidatit.

Nëse gjatë kontrollit mjekësor do të ketë skualifikim të kandidatëve, atëherë do të procedohet me kandidatët e radhës në rend zbritës sipas listës së renditjes të kandidatëve.

Për të parë emrin klikoni në linkun e meposhtëm:

Shtuar më 06/06/2014, ora 16:04

Shkruani komentin tuaj!
Të fundit nga kjo kategori