Ja kush është arsyeja pse Nishani nuk dekretoi Ahmetajn dhe Ekonomin
Sot është hedhur dritë sa i takon arsyes se pse presidenti Nishani nuk ka dekretuar Ahmetajn dhe Ekonomin. Vetëm një ditë më parë, Nishani ka dekretuar shkarkimin e dy ministrave të kabinetit qeveritar. Ai ka liruar nga detyra e Ministrit të Financave, Shkëlqim Canin dhe Arben Ahmetajn si Ministër i Ekonomisë. Burime të "Panorama" online nga institucioni i Presidencës sqarojnë edhe arsyet përse presidenti Bujar Nishani nuk ka dekretuar dje emërimin e dy ministrave të rinj.

Burimet bëjnë të ditur se kreu i shtetit do të presë fillimisht votimin në Parlament të dy dekreteve të tij, për shkarkimin e ministrave dhe më pas do të vijojë procedura për dekretimin e ministrave të rinj.

"Që të emërohet ministri i ri, duhet të jetë vendi i lirë i ministrit. Lirimi bëhet nga Parlamenti, që duhet të votojë dekretin e presidentit.

Po sikur Parlamenti të rrëzojë dekretin e presidentit për shkarkimin e ministrit? Kështu që Parlamenti duhet të miratojë shkarkimin e ministrit që ikën, më pas të emërohet ministri i ri”, kanë thënë më tej burime të Presidencës. /albeu.com/
Shtuar më 18/02/2016, ora 13:17

Shkruani komentin tuaj!
Të fundit nga kjo kategori