Ja kur do të miratohet në Parlament drafti i reformës në drejtësi
Kuvendi ka miratuar me 71 vota pro, kalendarin e punimeve 4¬22 korrik, ku parashikohet që drafti i reformës në drejtësi të kalojë për miratim më 21 korrik. Deputetët e opozitës votuan kundër duke e cilësuar këtë veprim si antikushtetues.

“Nuk mund të kemi një kushtetutë që ka në bazë konfliktin”, deklaroi deputeti i PD¬-së, Oerd Bylykbashi, duke sugjeruar tërheqjen e draftit.

Ndërkaq, kryetari i Kuvendit Ilir Meta i bëri thirrje opozitës që të mos e përsërisë debatin për këtë çështje, por të ecim në këtë mënyrë që të fitojmë kohë dhe që ndryshimet kushtetuese të miratohen brenda korrikut.

“Kjo na impenjon të gjithëve që të gjejmë konsensus, për të vetmen çështje parimore që pretendon opozita”, ka deklaruar Meta.

Në bazë të axhendës së përcaktuar, pritet që draftimiratohet në Parlament më 21 korrik./Albeu.com/

Shtuar më 30/06/2016, ora 19:43

Shkruani komentin tuaj!
Të fundit nga kjo kategori