Ja disa nga skandalet që kanë ndodhur në BSH ndër vite (FOTO-LAJM)

Guvernatori i parë ishte Niko Gjyzari, nga 1 janar 1991 deri në 31 gusht 1991.
Pëlqej
Vjedhja e 712 milionë lekëve është skandali i katërt më i madh i regjistruar në historinë e Bankës së Shqipërisë pas vitit 1990. Skandali i parë ka qenë ai me Nikolas Arsidi në vitin 1992, i cili mori 1.3 milionë dollarë për negocata për borxhin e jashtëm.

Në emisionin “Debati në Channel One” transmetuar mbrëmë, janë sjellë në kujtesë 50 fakte për Bankën e Shqipërisë si dhe historinë me foto të Guvernatorëve që drejtuan Bankën e Shqipërisë nga 1991 deri më sot.

1 Vjedhja e 712 milionë lekëve është skandali i 4-ët më i madh në historinë e Bankës së Shqipërisë pas vitit 1990.
2 Skandali i parë ka qenë ai i me Nikolas Arsidi në vitin 1992, i cili mori 1.3 milionë dollarë për negocata për borxhin e jashtëm.
3 Skandali i dytë është ai me vjedhjen e 340 kilogramë flori në tunelet e Kërrabës që i përkasin Bankës së Shqipërisë, i zbuluar në vitin 2000.
4 Skandali i tretë ka qenë ai në vitin 2002 kur u zbuluan abuzime në tenderin e prerjeve të reja të kartmonedhave në lekë në Bankën e Shqipërisë.
5 Në rastin e skandalit Arsidi u arrestua guvernatori në detyrë Ilir Hoti, ish-kryeministri Vilson Ahmeti, drejtor i Bankës së kursimeve Agim Tartari si dhe Agron Saliu.
6 Të gjithë këta të arrestuar u liruan pas disa viteve burg dhe morën pafajësinë.
7 Në skandalin e dytë u arrestuan 5 persona si autorë të vjedhjes së florit dhe përgjegjësit u dënuan me 21 vjet burg.
8 Ata kishin vjedhur kallëpe floriori në bashkëpunim me rojen e tuneleve që nga marsi 1997 dhe kjo kishte vazhduar për disa muaj.
9 Në skandalin e tretë u arrestuan dhe bëri disa vite burg zëvendësguvernatori i Bankës së Shqipërisë, Dhame Pite.
10 Sipas prokurorisë Pite kishte shtuar edhe 600 mijë euro në tender për të rritur elementët e sigurisë së kartmonedhave.
11 Skandali i 4-ët lidhet me vjedhjen e 713 milionë lekëve të rinj në degën e thesarit të Bankës së Shqipërisë.
12 Porkuroria e Tiranës ka arrestuar deri më sot 19 persona lidhur me këtë vjedhje.
13 Nga 19 të arrestuar 18 janë punonjës dhe drejtues të bankës si autorë dhe përgjegjës të vjedhjes.
14 Nga 19 të arrestuar vetëm Klevis Bejtaj nuk është punonjës por si ndihmës i Ardian Bitrajt.
15 Bitraj është autori dhe personi direkt që ka realizuar vjedhjen e thesarit të shtetit.
16 Bitraj e ka pranuar vjedhjen dhe në një farë mënyre ka bashkëpunuar me grupin hetimor.
17 Skandali u bë publik për herë të parë më 21 korrik 2014 pas denoncimit që vetë banka bëri në prokurori.
18 Banka denoncoi atë ditë vetëm dy punonjës si persona përgjegjës të materialeve në ngarkim që në fakt kishte të bënte me mungesën e 713 milionë lekëve.
19 Prokuroria arrestoi në fillim Ardin Bitraj dhe Mimoza Bruzia si përgjegjësit kryesorë të këtij skandali.
20 Më 31 korrik prokuroria arrestoi edhe 5 persona të tjerë punonjës në degën e thesarit.
21 Më 28 gusht u arrestuan edhe 7 punonjës të tjerë, si pjesë e zinxhirit të përgjegjësive në këtë vjedhje.
22 Prokuroria arrestoi edhe 3 bashkëpunëtorë të Bitrajt në vjedhjen e parave.
23 Kulmi i procesit ishte më 5 shtator kur u arrestua edhe guvernatoi i bankës Ardiasn Fullani.
24 Fullani arrestua nga policia e Tiranës në zyrën e tij në sheshin “Avni Rustemi”.
25 Fullani akuzohet për shpërdorim detyre me pasoja të rënda që sollën vjedhjen e 713 milionë lekëve.
26 Nga verifikimet e prokurorisë rezultoi se nga vitit 2010 e deri më sot nuk është bërë asnjë audit në thesar.
27 Fullani vihet në akuzë mbështetur në 5 momente që prokuroria I cilëson shkelje me pasoja të rënda.
28 Argumenti më i rëndësishëm i prokurorisë është se Fullani nuk ka emëruar zvëndësguvernatorin e Bankës.
29 Sipas prokurorisë zëvendësguvernatori duhej të merrej direkt me kontrollin e thesarit.
30 Bashkë me Fullanin u arrestua atë ditë edhe kryeinspektorja e Bankës, Elivar Golemi.
31 Edhe kryeinspektorja Elivar Golemi akuzohet për shpërdorim të detyrës.
32 Elivar Golemi refuzoi dy herë të paraqitej në komisionin parlamentar të ekonomisë e thirrur për të dhënë shpjegime.
33 Adrian Fullani është guvernatori 7-të i Bankës së Shqipërisë që nga viti 1991 e deri të shtunën më 6 shtator 2014.
34 Si guvernarore e komanduar është zgjedhur nga këshilli Mbikëqyrës, Elisabeta Gjoni.
35 Elisabeta Gjoni mbante detyrën e nënkryetares së Këshillit Mbikëqyrës.
36 Guvernatori i parë i Bankës së Shqipërisë pas rrëzimit të sistemit komunist ishte Niko Gjyzari, nga 1 janar 1991 deri në 31 gusht 1991.
37 Guvernatori i 2-të ishte Ilir Hoti, nga 1 maj 1992 deri në 1 shtator 1993.
38 Guvernatori i 3-të ishte Dylber Vrioni, nga 1 shtator 1993 deri në 1 dhjetor 1994.
39 Guvernatori i 4-ët ishte Kristaq Luniku, nga 1 dhjetor 1994 deri në 1 prill 1997.
40 Guvernatori i 5-të ishte Qamil Tusha, nga 15 prill 1997 deri në 10 shtator 1997.
41 Guvernatori i 6-të ishte Shkëlqim Cani, nga 10 shtator 1997 deri në 2004.
42 Guvernatori i 7-të ishte Ardin Fullani, nga 2004 deri më 6 shtator 2014.
43 Ardian Fullani është zgjedhur për dy mandate nga 7 vjet secili në krye të bankës.
44 Ai u zgjodh për herë të parë në 28 tetor 2004 dhe herën e dytë në 9 nëntor të vitit 2011.
45 Në vitin 2004 Fullani u zgjodh guvernator nga parlamenti me shumicë të majtë.
46 Në vitin 2011 Fullani u zgjodh guvernator nga parlamenti me shumicë të djathtë.
47 Në 2004 guvernatori Fullani është dekretuar nga Presidenti i Republikës Alfred Moisiu.
48 Në vitin 2011 guvernatori Fullani është dekretuar nga presidenti i Republikës Bamir Topi.
49 Pritet që parlamenti dhe presidenti të zgjedhin guvernatorin e 8-të në historinë e Bankës së Shqipërisë.
50 Numri i kandidaturave të përfolura për kreun e bankës është shumë i madh.
Shtuar më 09/09/2014, ora 11:54
Shkruani komentin tuaj!
Të fundit nga kjo kategori