Ja çfarë u tha jashtë kamerave në takimin Rama-Basha
Takimi ndërmjet kryeministrit Rama dhe kryetarit të opozitës Basha, nuk prodhoi një marrëveshje për Reformën në Drejtësi. Ja një pjesë nga debati mes Ramës e Bashës në takimin 3 orësh pa media.

Kreu i qeverisë ka pranuar propozimin e opozitës për zgjedhjen e anëtarëve të institucioneve të Drejtësisë me 2/3-tat e votave të Parlamentit, me një formulë zhbllokimi që në rast dështimi në dy raundet e para, të quhet i emëruar kandidati i parë i renditur ne listë.

Por Basha është shprehur se “vetëm vendet e rezervuara garantojnë mos kapjen politike të sistemit”.

Në një moment gjatë debatit, Rama është shprehur se jep garanci për integritetin e emrave që do të përgjigjen, por Basha i është përgjigjur aty për aty se “garancinë e jep vetëm formula, jo fjalët”.

“Ti ke qenë vetë në karrigen e kryetarit të opozitës”, mësohet të jetë shprehur Basha. Por kryeministri Rama është shprehur se me formulën e PD-së, “të gjithë anëtarët e drejtësisë do të bëhen me ‘xhaketa politike’”, raporton "Panorama".

Pas një diskutimi që ka vijuar për rreth tri orë dhe palët nuk kanë tejkaluar këtë ngërç, kryeministri Rama ka ndërprerë negociatat.

Ai ka thënë “mbledhja mbaron këtu. Meqë nuk ka dakordësi për çështje thelbësore, ne do të dërgojmë draftin e Reformës në Drejtësi për votim në Parlament”. /albeu.com/
Shtuar më 07/06/2016, ora 09:22
Shkruani komentin tuaj!
Të fundit nga kjo kategori