E FUNDIT/ Lëkundet Shqipëria, ku ishte epiqendra e tërmetit
Ivanov mbledh lideret, problemet te zgjidhen me dialog
Albeu.com
Të gjitha çështjet e hapura të zgjidhen me dialog dhe assesi me dhunë. Ky ishte konstatim i përbashkët i liderëve të partive më të mëdha politike në vend të thirrur në një takim joformal nga presidenti i shtetit Gjorge Ivanov.
Derisa ky i fundit vlerëson se nuk është e nevojshme që të thirret Këshilli i sigurimit për të shqyrtuar gjendjen e sigurisë, sepse organet kompetente me sukses po e kryejnë funksionin e tyre.
"Ekziston komunikim dhe çdo problem mund të zgjidhet derisa hapen ato çështje, bisedohet dhe përmes dialogut vihet deri te zgjidhja. Ashtu që është e panevojshme e që duhet theksuar se në këtë kohë për çfarëdo qoftë çështje nuk duhet t’i rrekemi dhunës”, tha Gjorge Ivanov, president i Maqedonisë.
Ndërkohë kryeministri Gruevski, as sot nuk dha përgjgije konkrete rreth gjendjes së sigurisë në vend.
“Këmbyem mendime për gjendjen në Maqedoni, problemet të cilat na preokupojnë gjendja në rajon... kështu që ky ishte një takim i mirë”, shtoi kryeministri Nikolla Gruevski.
“Ne nuk përkrahim asnjë lloj dhune pavarësisht prej çfarë drejtimesh ato vijnë. Dhuna nuk është mjet për zgjidhjen e problemeve me të cilat ne ballafaqohemi në Republikën e Maqedonisë”, porositi Ali Ahmeti, kryetar i BDI-së.
“Maqedonia është vend që po ballafaqohet me probleme serioze, demokracia është e rrezikuar, marrëdhëniet ndëretnike janë përkeqësuar, siç shohim kohëve të fundit edhe gjendja e sigurisë nuk është e mirë”, konstatoi Branko Cërvenkovski, kryetarë i LSDM-së.
Në takimin e sotëm të liderëve është diskutuar edhe rreth zgjidhjes së çështjes së emrit, me ç’rast është konstatuar se ky është një problem që bllokon procesin euro-integrues dhe se nevojitet angazhim për të arritur një zgjidhje.
“Krejt kjo është në interes të qytetarëve të Maqedonisë dhe ne këtë vazhdimisht e theksojmë”, shtoi presidenti Gjorge Ivanov.
“Ne jemi shumë të interesuar që të arrihet deri tek një zgjidhje e këtij kontesti, bëjmë çmos që është në mundësit tona. Kuptohet se dëshirojmë zgjidhje e cila do të ishte e pranueshme për qytetarët dhe e cila në referendum do të kalonte", theksoi kryeministri Gruevski.
Por kjo ide e Gruevskit u kundërshtuar nga lideri opozitar Cërvenkovski.
“Nuk ka logjikë që të organizohet referendum kur pushteti mendon që ai të mos jetë i suksesshëm. Unë vetëm do të theksoj edhe njëherë se ne si opozitë në referendum të atillë nuk do të marrim pjesë", paralajmëroi Branko Cërvenkovski.
“Angazhim ma serioz të kemi qasjen për zgjidhjen e kontestit të emrit. Unë vlerësova si kryetarë i BDI-së se kjo çështje bëhet gjithnjë e më tepër pengesë për anëtarësim të Maqedonisë në NATO deh BE”, perkujtoi Ali Ahmeti.
Takimin e sotëm të liderëve, ndonëse të ftuar e bojkotuan lideri i PDSH-së Menduh Thaçi dhe ai i DR-së Imer Selmani.
"Nuk do të marrim pjesë edhe në takime të tilla të ardhshme përderisa Presidenti, Kryeministri dhe partneri shqiptar në Qeveri nuk vendos në tryezë të bisedave temat që duhet zgjedhur me urgjencë, edhe atë: Zgjidhjen e rasteve gjyqësore si të Sopotit, Brodecit dhe ndërprerjen e katër procese të Hagës, Ndërprerjen e projekteve me karakter monoetnik dhe monofetar si “Shkupi 2014”", deklaroi Imer Selmani, kryetar i DR-së.
Ky ishte takimi i parë i liderëve i thirrur nga presidenti i vendit Gjorge Ivanov, një vit pas marrjes së postit. (Bedri Rexhallari, alsat-m)
Shtuar më 15/05/2010, ora 21:47
Tage: arkiv

Shkruani komentin tuaj!
Të fundit nga kjo kategori