Italia në alarm, vetëm sot u shënuan mbi 15 mijë raste të reja me COVID-19
Edhe ditën e sotme në Itali janë shënuar një numër i lartë infektimesh me COVID-19.

Autoritetet shëndetësore kanë deklaruar 15199 raste pozitive, numri më i lartë i regjistruar që prej fillimit i pandemisë në fillim të këtij viti.

Për më tepër, rritet në mënyrë shqetësues edhe bilanci i viktimave, që sot ishin 127, ndërkohë që 24 orë më parë ishin 89. Lajmi i mirë vjen vetëm nga të shëruarit, që ishin 2369.

Rajoni më i goditur është padyshim Lombardia, që ka praktikisht dyfishuar të prekurit nga dita e djeshme, me 4126 pozitivë. Në atë rajon, ashtu si në Kampanja, sot me 1760 raste në rajonin ku është kryeqendër Napoli, autoritetet shëndetësore deklarojnë se situata ka dal jashtë kontrollit” dhe aty priten tashmë masa edhe më shtrënguese.

Në provincat, që dikur vatër të infeksionit në mars, ato të Bergamos, Breshës dhe Kremonës, infeksionet kanë qenë nga më të ulëtat, pothuajse sikur të kishin krijuar një imunitet grupi, siç pohoi vetë kryebashkiaku i Milanos, Sala.
Shtuar më 21/10/2020, ora 18:24

Shkruani komentin tuaj!
Të fundit nga kjo kategori