Ish punonjësit e Albpetrol në protestë
Dhjetëra ish-punonjës të Albpetrol-it janë konfrontuar sot me me punonjës të policisë së rendit dhe policisë private në Fier. Të revoltuar ata kanë tentuar të futen me forcë brenda godinës së Albpetrol-it në Fier.

Ish-punonjësit e ndërmarrjes së gazit, dhënë me koncesion firmës “Phoenix Petroleum”, kërkojnë rikthimin në punë ose trajtimin financiar për prishje të njëanshme të kontratës së punës.

“Me forcë jemi futur, kemi 3 muaj pa marrë lekët tona. Nëse unë sot jam i pezulluar nga puna deri në datën 31 mars, ti je i detyruar të më paguash pagën. Unë kam 23 vjet, kam një fëmijë të sëmurë, invalid, jam e vetmja shpresë për familjen, ja kam drejtuar dhe drejtorit këtë punë dhe vjen puna asnjeri nuk arsyeton”,- shprehen protestuesit.


Albpetrol sh.a sqaron se ka paguar pagat e punonjësve deri në muajin dhjetor të vitit 2013, edhe pse kjo nuk ishte detyrë e shoqërisë, por e firmës private “Phoenix Petroleum”. /albeu.com/
Shtuar më 18/03/2014, ora 13:26

Shkruani komentin tuaj!
Të fundit nga kjo kategori