Update - Pas largimit nga presidenca, ish-presidenti Bamir Topi është rikthyer zyrtarisht në politikë.

Ai ka zhvilluar sot një takim me anëtarët e Partisë “Fryma e re Demokratike” duke hedhur kështu edhe hapin e parë të rikthimit të tij në politikë.


Në një prononcim për mediat, Topi ka theksuar se zyrtarizimi final i angazhimit të tij në politikë do të jetë në fund të këtij muaji në selinë e FRD-së. /albeu.com/



10:32 - Ish Presidenti i Republikës së Shqipërisë Bamir Topi është takuar sot me grupin nismëtar të Frymës së Re Demokratike. Takimi po zhvillohet në hotel Tirana ku ish-predenti pritet të sqarojë edhe rolin e tij në këtë parti që do të konkurojë për herë të parë në zgjedhjet e 2013-ës.


Ky takim vjen me ftesë të vetë grupit nismëtar te FRD-së, vendim ky që doli nga mbledhja e djeshme e grupit nismëtar të kësaj partie.

Ky takim ishte paralajmëruar dy ditë më parë për “Ora News” nga anëtari i grupit nismëtar të FRD, Aleksandër Biberaj, i cili shprehu dhe bindjen se FRD do të jetë forcë e parë në zjedhjet e ardhshme, ndërsa përjashtoi çdo mundësi koalicioni qoftë me PS-në ashtu dhe me PD-në. /albeu.com/