"Të gjithë mësuesit që janë thirrur për të administruar provimet e maturës shtetërore dhe nuk janë paraqitur të merret masa e pezullimit nga puna..."

Ish-deputeti i Partisë Demokratike, Luçiano Boçi ka publikuar mesazhin kërcënues të Ministrisë së Arsimit në adresë të mësuesve që nuk kanë pranuar të administrojnë provimet e maturës shtetërore këtë vit.

Boçi thotë se mësuesit e dinë se në cilën gjendje është degraduar deri në atë shkallë sa mësuesit kanë hezituar të marrin pjesë në procesin e administrimit.

Reagimi i plotë:

Matura e sivjetme është e kontestuar jo vetëm nga maturantët, por dhe nga mësuesit.

Këta e dinë aq mirë shkallën e degradimit të maturës, sa hezitojnë të jenë aktivë në procesin e administrimit.

E ndërgjegjshme për këtë, Ministria e nervozuar nuk harron t’i dërgojë hezitantëve mësuesë, mesazhe kërcënuese për pushime nga puna.

Një dhunë e pakufi dhe sistematike kjo, ndaj mësuesve.

Më turp e zi s’ka ku të shkojë.

Ministria ka humbur çdo logjikë e etikë.

Kërcënimet e tilla dëshmojnë pikën fundore të degradimit të maturës dhe rrënimin e këtij institucioni, me drejtuesë mjeranë e të paaftë.