Ish-dekani thotë se Fakulteti i Mjekësisë duhej të mbyllej i pari
Pëlqej
Ish-dekani i Fakulitetit të Mjekësisë, Bajram Hysa, thotë se ky institucion duhej të ishte i pari që duhej mbyllur pasi ai nuk funksionon.“Është e habitshme se si ministria e Arsimit dhe e Sporteve, pas ekspertizës ligjore që bëri në fillim të muajit korrik në këtë universitet e mban në këmbë artificialisht një institucion që nuk funksionon. Është e vërtetë se Profesoriati i Fakultetit të Mjekësisë, me një strategji të qartë kërkimore e shkencore, ka bërë përpjekje të mëdha për krijimin e Universitetit Mjekësor, me shpresën se duke krijuar mekanizma institucionalë të caktuar do të luante një rol shoqëror e shkencor me peshë për mbushjen e boshllëqeve në fushën e kërkimeve shkencore, në dobi të zhvillimit njerëzor afatgjatë dhe shoqëror, me qëllim që edhe mjekësia jonë të ketë të ardhme në një botë që është në ndryshim të përhershëm, por askush nuk e mendonte se menjëherë sa do të krihojej ai do të sundohej nga një mediokritet profesional dhe profanizmi politik.“ shprehet Hysa.

Duke folur për gazetën Panorama, ai shprehet se Fakulteti i Mjekësisë është politizuar. Hysa u shkarkuar më 15 korrik si dekan i Fakultetit të Mjekësisë.
Shtuar më 12/08/2014, ora 11:17
Shkruani komentin tuaj!
Të fundit nga kjo kategori